Tokıo olımpıadasynda áıelder boksynan Qazaqstan atynan shyqqan Nadejda Rábes birinshi kezdesýden soń jarysty aıaqtady, dep habarlady Olympic.kz.
75 keliden joǵary salmaqta synǵa túsken Rábes álem chempıonatynyń qola júldegeri, kanadalyq Tamara Tıbomen judyryqtasqan bolatyn.
Kezdesýde tóreshiler 4:1 esebimen jeńisti kanadalyq sportshyǵa berdi.
Áıelder boksynan Tokıo olımpıadasyna Qazaqstannan tek Nadejda Rábes joldama alǵan bolatyn.
Qazir Qazaqstan qorjynynda Tokıo olımpıadasynyń úsh medali bar. Dzúdoshy Eldos Smetov, aýyratletter Igor Son men Zúlfıa Chınshanlo qola medal ıelengen bolatyn.
Pikir qaldyrý