Bokstan 57 kelige deıingi salmaqta el namysyn qorǵaǵan Serik Temirjanov Tokıo oıyndaryndaǵy jeńilisine qatysty pikir bildirdi, dep habarlady Olympic.kz.
– Qolymnan kelgenshe tyrystym, álim jetpedi. Bar kúshimdi saldym. Ne isteı alamyn, sonyń bárin jasadym. Jankúıerlerdiń úmitin aqtaı almaǵanym úshin keshirim suraımyn. Barymdy saldym, buıyrmady, – dedi Serik Temirjanov.
Olımpıadanyń 1/8 aınalymynda Temirjanov amerıkalyq Dúk Regannan utylǵan bolatyn.
Qazir Qazaqstan qorjynynda Tokıo olımpıadasynyń úsh medali bar. Dzúdoshy Eldos Smetov, aýyratletter Igor Son men Zúlfıa Chınshanlo qola medal ıelengen bolatyn.
Pikir qaldyrý