Elimizdegi kásipkerler teńgeniń qunsyzdanýynan shyǵynǵa batyp jatyr. Bul týraly «Qamshy» portaly KTK arnasyna silteme jasaı otyryp habarlaıdy. Qyzmet kórsetý salasyndaǵy kompanıalardyń shyǵyny shash etekten. Syrttaǵy alys-beriste shetel aqshasymen esep aıyrysatyn olar el ishinde burynǵy baǵany ustap tura almaımyz dep shaǵymdanýda.

 Negizinen japa shegi jatqandarǵa  iri saýda oryndarynda jerdi jalǵa alatyndar men  qoǵamdyq tamaqtandyrý oryndary, ıaǵnı kafe-meıramhanalar, sondaı-aq, dúken ıelerin jatqyzýǵa bolady. Sebebi jerdi jalǵa alǵany úshin olar dollardyń qazirgi baǵamymen tóleıdi. Onyń ústine shetelden túrli tehnıkalardy sol eldiń valútasymen satyp alady.

Biraq óz elimizde tek teńgemen jumys isteýge májbúr. Ári burynǵy baǵany ustap turý kerek. Bul, álbette, paıda emes, qur shyǵyn ákeledi.

Sondyqtan, kásipkerler otandyq ekonomıkany dollarsyzdandyrý isin qolǵa alyp, ony zań júzinde bekitýdi surap otyr. Áıtpese, kóp uzamaı elimizde qyzmet kórsetý salasy múldem toqyraýy múmkin deıdi.