Qazaqstan sportshylary Tokıodaǵy Paralımpıada-2020 oıyndaryn aıaqtady, dep habarlady Vesti.kz.
Olıpıada oıyndaryn sońǵy bolyp taekvondoshy Nyshan Ómiráli aıaqtady. Ol 75 keliden astam salmaq dárejesindegi fınalda, meksıkalyq Franısko Pedrosqa jol berip, jeńiliske ushyrady.
Tokıodaǵy paralımpıada oıyndarynda Qazaqstan quramasy bes medalǵa ıe boldy.
Davıd Degtárev paýerlıftıngten altyn alsa, dzúdoshylar Ánýar Sarıev, Temirjan Dáýlet jáne Zarına Baıbatına kúmiske qol jetkizdi. Al júzýshi Nurdáýlet Jumaǵalı qolany jeńip aldy.
Medaldik esepte Qytaı quramasy 87 altyn, 52 kúmis jáne 48 qola medal enshilep, kósh bastady.
