Áblázovtyń áıeli Alma Shalabaeva aqyr sońynda Italıaǵa ketti. Qashqyn bankırdiń jubaıy 6 aıdan beri eshqaıda ketpeý týraly qolhatpen Almatydaǵy týystarynyń úıinde jatqan bolatyn.

Tek apta basynda ǵana qolhaty kepilaqshamen aýystyrylǵan. Kepilge Shalabaeva aýmaǵy 300 sharshy metrlik han saraıyndaı úı qoıypty, dep habarlaıdy Nur.kzcaıty.

"Kepilge qoıylǵan úı Almanyń anasyna tıesili. Onyń ústine Italıada qaraýsyz balalarynyń qalýy da ony alańdatty. Keıin, qajeti týǵanda, tergeý isine baılanysty Shalabaeva elge oralatyn bolady", - dedi Alma Shalabaevanyń advokaty Nıkolaı Dolmatov.

Shalabaevanyń ózi jańa tólqujat jasatyp, vıza da alǵan eken. Advokatynyń aıtýynsha, Rımde ony úlken balalary qarsy almaq.

Aıta ketsek, qashqyn bankırdiń jubaıy maýsym aıynda kishi qyzymen sol Italıa astanasynda ustalyp, elge deportasıalanǵan bolatyn. Apenın túbegine ol Alma Aıan esimdi Ortalyq Afrıka Respýblıkasynyń azamatshasy retinde kelipti. Bastapqyda kelisim bergenimen, keıin Italıa úkimetinde bul úlken shýǵa ulasty. Sóıtip, Áblázovtar otbasyn keri qaıtarýdy talap etip kelgen-di.