«Nur Otan» partıasy Tóraǵasynyń Birinshi orynbasary Baýyrjan Baıbek elimizdiń soltústik óńirine jumys saparymen bardy. Bul týraly áleýmettik jelidegi paraqshasynda habarlady.
– Elimizdiń soltústik óńirine jumys sapary barysynda Aıyrtaý aýdanynda ornalasqan áıgili Aıǵanym hanymnyń qonysyna arnaıy at basyn burdym. Ataqty ǵalym, saıahatshy Shoqan Ýálıhanovtyń ájesi, Ýálı hannyń zaıyby, el basqarý isine aralasqan Aıǵanym hanym saldyrǵan bul qonys – jurtshylyq jıi baratyn týrısik nysandardyń biri. Búginde ol mýzeı-keshen retinde qyzmet etýde. Mádenı nysan «Rýhanı jańǵyrý» baǵdarlamasy aıasynda Respýblıkalyq kıeli oryndar tizimine engizilgen.
⠀
Tabıǵaty kóz tartatyn Syrymbet taýynyń baýraıynda ornalasqan mýzeı-keshenge baratyn jolǵa jóndeý júrgizilse, týrıser sany odan ári arta túsetini sózsiz. Soltústik Qazaqstan oblysynyń ákimi Qumar Aqsaqalovtyń aıtýynsha, aldaǵy eki jylda aýdan ortalyǵy Saýmalkólden Syrymbet aýylyna deıingi 30 km jolǵa jóndeý júrgiziledi.
⠀
Jalpy, Soltústik Qazaqstan oblysy boıynsha «Nur Otan» partıasynyń saılaýaldy baǵdarlamasy aıasynda 2025 jylǵa deıin 1 100 km jol salynady.
⠀
Soltústik Qazaqstan oblysyndaǵy Imantaý-SHalqar kýrorttyq aımaǵy elimizdiń týrısik tartymdy aýmaqtarynyń ondyǵyna kiredi. Osyǵan oraı «Nur Otan» partıasy saılaýaldy baǵdarlama aıasynda óńirde Imantaý-SHalqar kýrorttyq aımaǵynda 15 zamanaýı demalys bazasyn salýǵa, qoldanystaǵy demalys oryndaryn jańǵyrtýǵa, kóliktik jáne ınjenerlik ınfraqurylymyn rekonstýksıalaýǵa jáne týrısik nysandar men kıeli jerlerdi damytýǵa yqpal etetin bolady, – dedi B. Baıbek.
Posmotret etý pýblıkasıý v Instagram
Pikir qaldyrý