Almatyda jańa kólikter  25 paıyzǵa qymbattap ketken. Bul týraly «Qamshy» portaly  "Almaty" telearnasyna silteme jasaı otyryp habarlaıdy.Avtosalondar qazir temir tulpar tizgindeýge kelgenderge jańa baǵa usynyp jatsa kerek.   Shetelden kelgen kólik qunyn 25 paıyzǵa ósirip satyp jatyr. Ol az deseńiz, saýdagerler jyl sońyna deıin temir tulpar baǵasyn 50 paıyzǵa deıin ósirmek. Otandyq kólikter de kezek kúttirmeı qymbattaıtyn kórinedi. Demek, jeńildetilgen nesıemen beriletin avtomashınalardyń da baǵasy ósýi múmkin.

"Jyl sońyna deıin elimizde temir tulpar baǵasy birden 50 paıyzǵa deıin qymbattamaq. Qazirdiń ózinde Qazaqstan avtodılerleri kólikterdi dollardyń jańa baǵamymen esepteýde. Máselen, osydan birer apta buryn ǵana 2 mıllıon 800 myń teńgege baǵalanǵan kólik qazir baqandaı 4 mıllıon teńgege saýdalanyp jatyr", - deıdi tilshiler.

Qazirgi kezde avtodúkenderde eń qymbat degen kólikterge suranys kóp kórinedi. Sebebi, saýdagerler qymbat temir tulparlardyń qunyn ósirmeı áli burynǵy baǵada satýda eken.

Ótken jyly Reseı rýbliniń quldyraýynan keıin Qazaqstannyń kólik naryǵy turalap qalǵan edi. Dılerler sol kezdegi batqan shyǵynyn endi osylaısha kólikterdi qymbattatý arqyly óndirip almaq. Osy oraıda baǵany otandyq avtoóndirýshiler de ustap tura almaýda. Kia - 32 paıyzǵa, Chevrolet - 29 paıyzǵa, Skoda - 25 paıyzǵa qymbattapty. "Kólikterdi jınaýǵa arnalǵan bólshekterdiń kóbi shet elden ımporttalady. Sondyqtan otandyq kólikterdiń baǵasyn kóterýden basqa amal joq. Mysaly, saýdagerler 10 myńǵa alǵan kóligin 7 myńǵa sata almaıdy ǵoı", - dedi Táýelsiz avtobıznes qaýymdastyǵynyń ókili Maqsat Meıirmanov.