BUU – AQSH prezıdenti Barak Obama men  Reseı basshysy Vladımır Pýtın keshegi eki jaqty kezdesýde Sırıa men Qıyr Shyǵys memleketterindegi qaqtyǵystardy sheshý máselesi jóninde ózindik kereǵar kózqarastarymen bólisti. Alaıda, bul joly da eki qoshqardyń basy bir qazanǵa syımady. Eki jaqty  máseleniń sheshimin birge tabýdy kózdegenimen, atalmysh aımaqtaǵy keleńsizdikterge eki el birin-biri aıyptamen ýaqyt ótkizdi. Bul týraly «Qamshy» portaly «The Washington post»  basylymyna silteme jasaı otyryp habarlaıdy.

 «Reseıdiń maqsaty ISIL-ge baryp, ondaǵy úkimetti qoldaý» - dedi sheneýnik. Ákimshilik ókilderi Reseıdiń bul qadamy Sırıadaǵy búlikshilerdi tynyshtandyrýǵa emes, kerisinshe, Asadtyń oponentterine qarsy kúresiniń kúsheıýine alyp kelýi bek-múmkin dep, mazasyzdyq tanytty.

Obama sóılegen sózinde Reseıdiń Sırıaǵa áskerı kúsh-qýat baǵyttap, sonymen qatar ýkraındyqtarǵa qoldaý kórsetýin usyndy. «Biz mundaı qadamǵa qaqtyǵystardy basý úshin barýǵa mindetti ekenimizdi jáne munyń terorızmdi joıyp, memlekettiń ishki isterine sheteldik jaqtardyń aralasýyn toqtatýdyń jalǵyz ǵana joly ekenin aıtqan bolatynbyz».

«Men búgin sizderdiń aldaryńyzda turyp, bizdiń, búkil álem halyqtarynyń, qaqtyǵystardy joıý jolynda zorlyqqa toly is-áreketteri men eski ádisterge oralmaıtyndyǵymyzǵa sengim keledi. Biz ótkenge orala almaımyz! Eger biz birigip jumys isteı almasaq,  saldarynan ózimiz qınalamyz». Pýtın, óz kezeginde, Batys elderiniń Irak pen Lıvıaǵa demokratıany tańýynyń saldary Qıyr Shyǵys pen Soltústik Afrıkadaǵy tóńkeristerge alyp kelgenin aıtty. Atalmysh aımaqtardaǵy halyq ıgi ózgeristerdi qalaǵanymen, «demokratıalyq trıýmftyń» ornyna «zorlyq-zombylyq pen áleýmettik apatqa» tap bolǵanyn málimdedi.

BUU-nyń Bas Assambleıasynda ár kóshbasshy jahandyq turaqtylyqqa qajet ári halyqaralyq normalarǵa saı syrtqy saıasatty ustanatyndyǵymen bólisti. Keıinirek, sol kúni eki el basshysy ózara kelispeýshilikterin talqyǵa salý ári seriktestiktiń múmkindikterin qarastyrý maqsatymen taǵy da kezdesken bolatyn. Jabyq sesıa bir jarym saǵattan asa ýaqytqa sozyldy. Keıinnen, Obamanyń arnaıy josparlanǵan delegattardy qabyldaý sharasy oryn aldy. Sonymen qatar, AQSH prezıdenti dúısenbi kúni Indıa premer-mınıstri Narendra Modımen jáne seısenbi kúni Qazaqstan prezıdenti Nursultan Nazarbaevpen kezdesetinin málimdedi.

Al, Vladımır Pýtın sesıadan keıin Máskeýge attandy. Reseılik jýrnalıserge bergen qysqasha suhbatynda ol eki el arasyndaǵy qarym-qatynastyń «ókinishke oraı, óte tómen deńgeıde» ekenin aıtty. AQSH-tyń qarama-qaıshy kózqarastaryna baılanysty «bizdiń jumysymyz, eń bolmaǵanda, eki jaqty negiz retinde kúsheıýi kerek degen sheshimge keldik. Endigi kezekte, tıisti mehanızmdi birge qurýdy josparlap otyrmyz», - dedi Pýtın myrza.

Nazgúl Nazar