Birikken orys-separatıstik qarýly kúshteri ýkraındyq ásker ornalasqan pozısıaǵa bir túnde bes ret shabýyl jasady dep málimdedi búgin antıterrorlyq operasıa (ATO) baspasóz ortalyǵy Feısbýktegi paraqshasynda.

Ótken túni búlikshiler Artemovsk qalasynan tysqary ornalasqan Zaısevo selosynda nyǵaıtylǵan pozısıada turǵan ýkraındyq áskerge granometter men aýyr pýlemetterden oq jaýdyrǵan. Bul týraly«Qamshy» portaly unian.info-ǵa silteme jasaı otyryp habarlaıdy.

«Onymen qoımaı, reseılik búlikshiler mundaı is-áreketterin Kıev ýaqytymen saǵat 20.00-de Travnevıı selosy aımaǵynda taǵy qaıtalady. Al, kıevtik ýaqytpen 22:50-de olar Maıorsk selosyndaǵy bizdiń bólimshelerge iri kalıbrli pýlemetter men granatomettardan ata bastady», - delingen, baspasóz ortalyǵynyń baıandamasynda.

Kıevtik ýaqytpen 20:25-te okýpanttar Lýgansk oblysyndaǵy Eski Aıdar selosynda ATO kúshterine atqyshtar qarý-jaraǵynan oq jaýdyra bastaǵan.

Nazgúl Nazar