«Elge el qosylsa — qut» demekshi, elimizge 1990 jyldary bastaý alǵan uly kósh boıynsha týǵan eldiń topyraǵyna, atajurtyna degen sarǵaıǵan saǵynyshyn arqalap, qandastar aǵylýda.
Qonys aýdarǵan qandastardyń basym bóligi Ózbekstan Respýblıkasynan kelgenderdiń úlesinde. Kórshi elden 1516 adam qazaq eline qonys aýdarýdy jón kóripti. Sondaı-aq, Aýǵanstannan 11, Qytaıdan 5, Reseıden 3, Tájikstannan 2 adam, Túrkmenistannan 1 adam, Túrkıadan 1 adam shymqalaǵa taban tiredi.
Jalpy Shymkentte bıylǵy jyldyń 1 qazanyna deıin 1539 adamǵa qandas mártebesi berildi. Kelýshiler qonystaný tendensıasy boıynsha Shymkent qalasynyń ár aýdanyna ornalasty.
Aıta ketý kerek, Shymkent qalasynda qandastardy beıimdeý jáne yqpaldastyrý ortalyǵy bar. Ol jerde Qazaqstan Respýblıkasynyń zańnamasyna sáıkes qandastarǵa jáne olardyń otbasy múshelerine beıimdeý jáne yqpaldastyrý qyzmetin kórsetedi. Búgingi tańǵa ortalyqta 9 otbasy quramynda 21 adam beıimdeý qyzmetin alyp jatyr.
