Memleket basshysy halyqqa arnaǵan Joldaýynda el ekonomıkasyn saıası modernızasıa jasaý arqyly kúsheıtip, oǵan qoǵamdyq uıymdardy jáne azamattyq sektordy kóbirek tartý qajettiligi týraly aıtqan bolatyn. Osyǵan oraı Azamattyq qoǵamdy damytý týraly arnaıy tujyrymdama qabyldandy.

Búgin Shymkent qalasynda Azamattyq qoǵamdy damytýdyń Jol kartasy jobasy sheńberinde Azamattyq Resýrs ortalyǵy ashyldy. Bul ortalyq ÚEU sektoryn damytý, sektoraralyq ózara is-qımyldy bastaý jáne qoldaý úshin alań bolýdy kózdeıdi.

Atalmysh ortalyqtyń maqsaty – azamattyq bastamalar men áleýmettik baǵdarlanǵan komersıalyq emes uıymdardy damytý úshin qolaıly jaǵdaılar jasaý. Al mindetteri – Shymkent qalasynyń bastamashyl azamattary men komersıalyq emes uıymdary úshin konsýltasıalyq-oqytý baǵytyn jáne sektoraralyq tıimdi ózara is-qımyldy uıymdastyrý, azamattyq qoǵam uıymdarynyń qyzmeti boıynsha ádistemelik materıaldar men normatıvtik qujattardy daıyndaý, komersıalyq emes uıymdarynyń áleýetin arttyrý bolyp tabylady.

Azamattyq qoǵam ınstıtýttarynda erekshe basymdylyq saıası partıalarǵa júkteledi. Saıası partıalar bılik úshin básekelestik kúreste qoǵamdyq qoldaýdy jumyldyrýshy qural retinde qyzmet jasaıdy. Partıalyq jumyldyrý arqyly azamattar qazirgi zamannyń saıası úrdisiniń belsendi múshesine aınalady, ıaǵnı irikteý qyzmetin atqarady. Partıalar qoǵamdyq múddelerdi qalyptastyrýda da mańyzdy ról atqarady.

Osy oraıda elimizdegi jetekshi saıası kúshke aınala bilgen 22 jyldyq tarıhy bar «Nur Otan» partıasyn erekshe atap ótýge bolady. Qazaqstannyń qarqyndy damýy men órkendeýin maqsat tutyp, elimizdiń árbir azamatynyń jarqyn ómir súrýi úshin mańyzdy qadamdar jasady.

Cáıkesinshe, «Nur Otan» partıasy ekonomıkalyq jáne saıası jańǵyrý, qoǵamdy eldik maqsatqa uıystyrý, myqty jáne tabysty memleket qurýǵa baǵyttalǵan óz ıdeologıasyn júıeli júzege asyryp keledi.

Turaqtylyq pen damýdyń berik kepili bolatyn uzaq merzimdi saıası kóshbasshylyq qamtamasyz etilgen elder ǵana úlken tabystarǵa jetetini sózsiz. Myqty Azamattyq qoǵam – memlekettiń órkendeýiniń kepili!