Jaqynda Almaty qalasynda jeke kóliktiń  júk salǵyshyǵana tyǵyp qoıǵan beıne baqylaý apparaty týraly vıdeo áleýmettik jelide qyzý pikir-talas týdyrǵan bolatyn. Atalmysh daýly vıdeoǵa qatysty quzyrly organdaǵylar pikir bildirgen eken. Bul týraly «Qamshy» portaly kolesa.kz-ke silteme jasaı otyryp habarlaıdy.

Almatylyq áýesqoı kólik júrgizýshileriniń biri jol jıegindegi jeke kóliktiń ishinen tyǵylyp túsirip turǵan belgisiz azamatty baıqap qalǵan. Jaqyndap kelgende kólik ishinde sońǵy tehnologıaly jol patrúldik polısıasyna tıesili beıne baqylaý qurylǵysy ekenin kórgen.

Bul vıdeo áleýmettik jeli qoldanýshylarynyń narazylyǵyn týdyrǵan.

Jaqynda daýly vıdeoǵa qatysty quryzly organdaǵylar kolesa.kz-ke túsinikteme bergen.

Jeke kólik ishinen tabylǵan «Kordon» stasıonarly kesheni bolyp shyqqan. Bul qurylǵy avtomatty túrde baqylaý aımaǵyndaǵy barlyq kóliktiń jyldamdyǵyn bir mezette kórsetip, jol erejesin buzýshyny anyqtaı alady. Sondaı-aq, avtomatty túrde eki sýret daıyndaıdy. Onyń biri jalpy plan sýreti bolsa, ekinshisi jol eredesin buzýshyny erekshelep kórsetedi. Mysaly, stasıonarly «kordon» kesheni bir mezgilde kóliktiń nómirin, baǵytyn, kúni men ýaqytyn, jyldamdyǵyn jáne sol aımaqtaǵy júrýge qalypty jyldamdyqty, baqylaý ýchaskesin, geografıalyq koordınatyn, serıa nómirin, jaramdylyq merzimin anyqtap beredi.

JPP mamandarynyń aıtýynsha, jeke kólik ishindegi qurylǵy synaqtan ótkizilip jatqan. Aldaǵy ýaqytta Almaty kóshelerine ornatylatyn bolady. Al álgi qolapaısyz synaqtyń nemen aıaqtalǵandyǵy týraly aqparat kórsetilmegen.

 «Qamshy» silteıdi