Shymkent qalasyndaǵy №2 aýrýhana bazasynda koronarografıa ádisimen hıýrgıalyq emdik jumystary belsendi júrgizilýde.

Sońǵy bir aıdyń ishinde aýrýhananyń bas dárigeri Asqar Rahmatalıevtyń jetekshiligimen 20 naýqasqa júrek-qan tamyrlary boıynsha tiliksiz ota jasalǵan.

Dárigerlerdiń sózinshe, koronarografıa – júrektiń ıshemıalyq aýrýyn anyqtaýdyń tyń ádisi. Álem boıynsha osy dertten paıda bolatyn ólim-jitimniń sany kúrt ósken bolatyn. Alaıda, sońǵy jyldarymedısınadyǵy tyń tásilderdiń arqasynda ólim sany báseńdegen.

–Koronagrafıa ádisimen qalalyq №2-shi aýrýhanasynda kúnine eki-úsh naýqasqa ota jasaımyz. Ambýlatorly koronografıanyń paıdasy kóp. Buryn júrek-qan tamyrlaryn kórý úshin kóp dárigerdiń qatysýy kerek bolatyn. Búginde jergilikti anestazıa arqyly ambýlatorly túrde naýqasty aýrýhanaǵa jatqyzbaı, júrektiń qan tamyrlaryn kórip shyǵýǵa múmkindik bar.

Eń bastysy – eshqandaı aýyrsynýsyz, keri áser baıqalmaı, 2-3 saǵat ishinde naýqas aman-esen úıine oralady. Kez-kelgen ýaqytta naýqasty stasıonarǵa jatqyzýǵa bolady,-deıdi rentgenhırýrg dárigeri Serik Kerimqulov.

Koronargrafıa dásiniń 99 paıyzy jeńil, ári sátti ótýde. Operasıa kezinde narkoz berilmeı, qan tamyrynyń zaqymdanýyna qaraı hırýrgıalyq em 15-20 mınýt ishinde jasalady.