Shymkentte 81 eldi mekenniń 40-y tabıǵı gazben qamtylǵan, 33 eldi meken jartylaı, al 8-inde gaz júıesi tartylmaǵan.

Bıyl turǵyndardy kógildir otynmen qamtý úshin 1 gaz taratý stansıasy men 4 magıstraldy jáne 13 eldi mekenniń ishki oramdyq júıesiniń qurylysy júrýde.

Jyl sońyna deıin avtomattandyrylǵan gaz taratý stansıasy (AGRS-3), Qaınarbulaq jáne Azat sh/a magıstraldy qubyr tartylyp, 5 eldi mekende ishki júıeniń qurylysy aıaqtalady. Nátıjesinde Altyntóbe, Badam 195 oram, Dostyq (2-kezek), Asar-2, Azat shaǵyn aýdanynda 11 myńnan astam adam tabıǵı gazge qol jetkizip, qamtylý kórsetkishi 92,2%-dan, 93%-ǵa ósedi.

Aqtas magıstraldy qubyry men Batys, Aqtas, Aqjar, Arǵymaq, Aqtas-2, Sáýle, Nurtas, Kókbulaq jáne Tassaı shaǵynaýdandarynyń qurylysy 2022 jylǵa ótpeli.

Shymkentte 2022-2025 jyldarǵa qala turǵyndaryn ınfraqurylymmen qamtý josparyna sáıkes, barlyq eldi mekenderdiń ishki júıeler qurylysyn júrgizý josparlanýda. 2025 jyly gaz máselesi tolyǵymen sheshilip, qamtý kórsetkishi 100 paıyzǵa jetedi.