Halyqaralyq zaǵıptar kúnine oraı Shymkent qalasy Mádenıet jáne Tilderdi damytý basqarmasynyń jáne Shymkent qalasy kózi kórmeıtin jáne álsiz kóretin azamattarǵa arnalǵan arnaıy kitaphanasynyń uıymdastyrýymen «ShamShyraq» qalalyq festıvali óz máresine jetti.

Eki kúnge ulasqan mereke joǵary deńgeıde uıymdastyrylyp, ómirge qushtar jandardy bir marqaıtyp tastady.

3 nomınasıa boıynsha ónerpazdar saıysqa túsip jeńimpazdar anyqtalyp, aqshalaı syılyqtar tabys etildi.

Budan bólek, «Táýelsizdikke taǵzym!» zaǵıp oqyrmandarmen atqarylǵan jumystar, kórmesi;
—«Rýhty jańǵyrtý, paryzymyz» QR-nyń 30 jyldyǵyna arnalyp shyǵarylǵan taktıldi kitaptar tusaýkeseri;
— «Saýsaq ushyndaǵy álem» zaǵıptarǵa arnalǵan arnaıy shahmat jáne shashki boıynsha sport saıysy;
—«Atadan ósıet...» kórmesine sholý (sazdy balshyqtan jasalynǵan túrli buıymdar, kóne mýzykalyq aspaptar). Etnomurajaı dırektory Qarabdalov Kendebaı Ábjapparulymen júzdesý;

—«Ádebıet pen ónerdiń shuǵylasy» jergilikti aqyndar-jazýshylar, aıtyskerler, ánshiler, kompozıtorlarmen kezdesý;

—«İzgilik mekenindegi ashyq alań» jas tilshiler, blogerlermen suhbat jáne Almaty qalasynan kelgen SATR.kz kompanıasynyń zaǵıp jandarǵa arnalǵan avtomattandyrylǵan qurylǵylarymen tanystyrý boldy.

Osynaý keshti joǵary deńgeıde ótilýine at salysqan Kórme Ortalyǵyna alǵys aıtamyz.