KJP búlikshileri beısenbi kúni tańerteń Túrkıanyń ońtústik-shyǵysynda ornalasqan Dıarbaqyr provınsıasynda eki áskerı qyzmetshi otyrǵan kólikke oq jaýdyrǵan. Bul týraly «Qamshy» portaly euronews.com-ǵa silteme bere otyryp habarlaıdy.

Buǵan deıin túrik áskeri KJP-ǵa qarsy jaýyngerlik áreketterin Hakkarı provınsıasy men Iraktyń soltústiginde júrgizgen bolatyn. Memlekettiń áskerı kúshteri separatısterdi áýeden bombalap, alǵashynda 24 obekttiń kózin joıǵan bolatyn.

Túrik áskeriniń búlikshilerge qarsy belsendilik kórsetip jatqany týraly «Qamshy» portaly aldyńǵy jańalyqtarynda da jazǵan bolatyn. Myna silteme arqyly ótip, oqı alasyz (http://qamshy.kz/home/show/1670).

Oqıǵany baqylaýshylar qaqtyǵystyń ýshyǵýyn Túrkıadaǵy 1-qarashaǵa josparlanyp, merzimi jaqyndap kele jatqan saılaýmen baılanystyryp otyr.

Shildede úsh jyl qatarynan jalǵasqan bitimgershilik kelisimi joıylǵannan keıin kúrd búlikshileri qolynan qaza tapqan túrik áskerı jáne polısıa qyzmetkerleriniń sany 150-ge jetken bolatyn. Túrik BAQ-tyń málimetteri boıynsha, kúrdter jaǵynyń adam shyǵyny 1300-den asady.