Shymkentte aýyl sharýashylyǵy kásipkerleri jáne Ońtústik – Batys mal jáne ósimdik sharýashylyǵy ǵylymı-zertteý ınstıtýty ókilderiniń qatysýymen «Shymkent qalasynyń jasyl beldeýiniń sur topyraqtarynda sábizdi aýlada ósirý tehnologıasyn engizý» jobasy boıynsha semınar-keńes ótti.

Jıynnyń maqsaty – Shymkenttiń jasyl beldeýiniń sur topyraqtarynda sábizdiń qarqyndy sorttaryn ósirýdiń taraqty tehnologıasyn engizý, tamshylatyp sýǵarý ádisin qoldaný, ekologıalyq taza ónim alý jáne turǵyndardyń ózin-ózi jumyspen qamtý.

Qaladaǵy jeke turǵyn úı telimderiniń 60 paıyzynda irgelik jerleri bar. Sol jerlerge ınovasıalyq tájirıbeni qoldana otyryp, sábiz egý arqyly otbasylyq kásipti júzege asyrýǵa da bolady. Sebebi asqanalyq sábiz – quramynda dárýmeni bar jetekshi kókónis daqyly ǵana emes, tehnıkalyq daqyl retinde de ekonomıkalyq mańyzǵa ıe.

Ońtústik – Batys mal jáne ósimdik sharýashylyǵy ǵylymı-zertteý ınstıtýty jańa tehnologıany «BES-TULIK» sharýaqojalyǵyna engizbek. Nátıjesinde aýyl sharýashylyǵy óndirisin ártaraptandyrý jáne jeke qosalqy sharýashylyqtardy damytýǵa múmkindik týady.