Shymkent qalasynyń Qarataý aýdanynda shaǵynaýdandar men shalǵaıdaǵy eldimeken kóshelerin ortasha jóndeý, shaǵal tas tóseý jumystary atqarylýda.

2021 jyly aýdan aýmaǵyndaǵy Aqjaıyq, Azat, Bozaryq, Nurtas, Asar-2, Qaıtpas shaǵynaýdandary men Saıram, Shapyrashty, Ormanshy, Mártóbe, Qaınarbulaq, Ótemis, Tasken, Dostyq, Tassaı turǵyn alaptarynda uzyndyǵy 54,4 shaqyrym 38 kóshege ortasha jóndeý, 34,7 shaqyrym 37 kóshege kúrdeli jóndeý jumystary júrgizilýde.

Qazirgi ýaqytta aýdanda jalpy uzyndyǵy 62 shaqyrym kóshelerge qarjy qaralyp, Qaınarbulaq, Tassaı turǵyn alaptary men Asar-2, Dostyq, Nurtas, Turan shaǵynaýdandarynda shaǵal tas tóseý jumystary júzege asyrylýda. Qosymsha 21 shaqyrymǵa shaǵal tas tóseýge usynys joldandy.

Sonymen qatar, aýdan aýmaǵynda shaǵynaýdandardy elektr jaryǵymen qamtý jumystary qolǵa alynǵan. Atap aıtqanda, Turan shaǵynaýdanynda «ABM Bıldıng» JSHS tarapynan elektr júıeleri qurylysy 2021 jyldyń qarasha aıynda aıaqtalady. Tassaı turǵyn alabynda «Yntymaq Bes Arys» JSHS tarapynan 58,2 shaqyrym jeli jáne 26 dana KTP ornatylyp, qurylys jumystary tolyq oryndaldy. Asar 2 shaǵynaýdanynda «OJT Tranzıt» JSHS tarapynan bıyl qarasha aıynda abonentteý jumystary bastalady.
Qaınarbulaq turǵyn alabynda «Turan Energo Group» JSHS atqaryp jatqan qurylys jumystary 2022 jylǵa ótpeli.

2021 jyly elektr jaryǵymen qamtý kórsetkishi 93 % quraıdy. Al 2022 jyly aýdan boıynsha elektr jaryǵymen qamtý kórsetkishin 100 %-ǵa jetkizý josparlanýda.