Shymkent qalasynyń Qarataý aýdany boıynsha 40 360 jeke turǵyn úı (83,3 %) táýlik boıy sapaly aýyz sýmen qamtylǵan. Shaǵynaýdandardy sapaly aýyz sýmen qamtý maqsatynda tıisti jumystar atqarylýda.

2021 jyldyń 9 aıynyń qorytyndysy boıynsha Turan shaǵynaýdanyn aýyzsýmen qamtamasyz etýde 62,7 shaqyrym ishki oramdyq aýyz sý júıeleriniń qurylysy aıaqtaldy. Qazir abonentteý jumystary júrgizilýde.
Kómeshbulaq sý jınaqtaýshysynan Turan shaǵynaýdany aınalma jolyna deıingi uzyndyǵy 4,48 shaqyrym sýaqqy qurylysy merdiger «Saryaǵash-Aman» JSHS tarapynan júzege asyryldy. Atalǵan nysan bıyl qarasha aıynda aıaqtalady dep kútilýde.

Azat shaǵynaýdanynda abonentteý jumystary tolyq aıaqtalsa, Dostyq turǵyn alabynda qazirgi tańda abonentteý jumystary júrgizilýde. 2021 jyly qurylys jumystary aıaqtalǵan soń aýyz sýmen qamtý kórsetkishi 91,8 %-ǵa jetedi. Al 2023 jyly aýdan boıynsha aýyz sýmen qamtamasyz etý 100 %-dy quraıtyn bolady.

Jalpy aýdan aýmaǵynda 12 400 turǵyn úı (25,6 %) ortalyq káriz júıesimen qamtylǵan. Búginde Asar-2 shaǵynaýdanynda «Monolıt – Dızaın - 2030» JSHS, Dostyq shaǵynaýdanynda «Gazovoe hozáıstva - Shymkentgaz» JSHS, Tassaı turǵyn alabynda «Rıgolıt» JSHS tarapynan káriz júıelerimen qamtý maqsatynda qurylys jumystary qolǵa alynǵan. Nysandar qurylysy kelesi jylǵa ótpeli.
2022 jyly qurylys jumystary aıaqtalǵan soń káriz júıesimen qamtý kórsetkishi 42,7 %-ǵa jetedi dep boljanýda.