Shymkent qalasy Ál-Farabı aýdanynyń ákimi R.Myńbaev «Ońtústik» telearnasynda ótken tikeleı efırde atqarylǵan jumystardy qorytyndylap, turǵyndar saýalyna jaýap berdi.

Aýdan ákimi 2021 jyldyń 9 aıynda júzege asqan jumystar - ınfraqurylym, áleýmettik salanyń damýy, abattandyrý, ınvestısıa tartý, joldar qurylysy, sport alańshalary, jalpy 7 ındıkator boıynsha negizgi tapsyrmalardyń oryndalý barysyna toqtalyp ótti.

Sondaı-aq, aýdan basshysy apatty úılerdiń ornyna jańa turǵyn úı keshenderin salý boıynsha tıisti kelisimder jasalǵanynan habardar etip, bul baǵytta ınvestorlardy shaqyrdy.

Jalpy efır barysynda turǵyndar tarapynan joldardy asfálttaý, káriz júıelerin ornatý, kópqabatty úılerde jylýǵa daıyndyq máseleleri, aıaldamalardyń ataýlaryn júıeleý qajettigi jóninde saýaldar qoıyldy.

Aýdan ákimi turǵyndar saýalyna jaýap berip, tıisti sheshimder qabyldanatynyn jetkizdi.

Aıta ketsek, aýdan aýmaǵynda jylý qabyldaıtyn 615 kópqabatty turǵyn úı tirkelgen. 2021-2022 jylǵy jylý maýsymyna oraı, barlyq kópqabatty turǵyn úıler ortalyqtandyrylǵan jylý júıesine qosyldy.
Jylý berý maýsymynyń qalypty ótýi kúndelikti baqylaýda.