QR Premer-Mınıstri Asqar Mamınniń tóraǵalyǵymen ótken Úkimet otyrysynda elimizdiń 10 aıdaǵy áleýmettik-ekonomıkalyq damýynyń qorytyndysy, respýblıkalyq búdjettiń atqarylýy jáne Ulttyq halyq sanaǵynyń qorytyndylary jarıa etildi.

10 aıdaǵy áleýmettik ekonomıkalq damý kórsetkishterdi baıandaǵan Ulttyq ekonomıka mınıstri Áset Erǵalıev ishki jáne syrtqy ınvestısıalar tartýda oń ósim bar ekenin atap ótti. Respýblıkada bıylǵy on aıda óndirýshi emes salalar boıynsha ınvestısıa ósimi 14,0 paıyzǵa artyp otyr.

Shymkent qalasy ınvestısıalar tartý boıynsha óńirler arasynda alǵashqy orynda keledi. Qalamyzda ótken jyldyń tıisti kezeńimen salystyrǵanda ınvestısıa tartý kórsetkishi 41,2 paıyzǵa artqan.

Ótken on aıdyń qorytyndysy boıynsha qurylys salasynda da oń ósim saqtalyp otyr. Shymkent qalasynda bul kórsetkish ótken jylmen salystyrǵanda 11,8 paıyzǵa paıyzǵa ósken.

Esepti kezeńde elimizde 11,6 mln sharshy metr turǵyn úı paıdalanýǵa berilgen. Shymkent qalasynda bul kórsetkish ótken jylmen salystyrǵanda 23,7 paıyzǵa artqan.

Á.Erǵalıev 7 negizgi makroekonomıkalyq kórsetkish boıynsha oń ósý Almaty, Jambyl oblysy, Nur-Sultan jáne Shymkent qalalarynda baıqalǵanyn atap ótti.