Memleket basshysy barlyq deńgeıdegi memlekettik organdar jetekshilerine azamattardyń suranysy men talap-tilekterin muqıat qarap, jedel ári tıimdi sheshýdi tapsyrǵan bolatyn.

Memleket basshysy barlyq deńgeıdegi memlekettik organdar jetekshilerine azamattardyń suranysy men talap-tilekterin muqıat qarap, jedel ári tıimdi sheshýdi tapsyrǵan bolatyn.Shymkent qalasynyń ákimi aı saıyn azamattardy jeke máseleleri boıynsha qabyldaý ótkizedi. Qala basshysy Murat Áıtenovtiń búgin ótkizgen onlaın rejımdegi qoǵamdyq qabyldaýyna  jazylǵan azamattar ótinish-tilekterin jetkizdi.

Shahar basshysynyń qabyldaýyna jazylǵan Qazyǵurt shaǵynaýdanynyń turǵyny G.Qarasaeva kósheni jaryqtandyrý, tazalyq, aıaldamany qalypqa keltirý jáne jol máselesin qozǵady. 

Qala ákimi kóshelerdi jaryqtandyrýda birinshi kezekte áleýmettik nysandar ornalasqan ortalyq mańyzǵa ıe kóshelerdi qamtý josparlanǵanyn, sondyqtan Arystanbab kóshesin jaryqtandyrý 2023 jylǵy josparǵa enetinin aıtty. Otyrar kóshesi men Arystanbab kóshesi qıylysyndaǵy aıaldamany osy aıda qalypqa keltirý týraly sala basshysyna naqty tapsyrma berip, máseleni óz baqylaýyna aldy.

Jol enin keńeıtý týraly ótinishi úılerdiń ornalasýy sebebinen múmkin emestigi aıtyldy. Kóshe tazalyǵy jóninde aýdan ákimine tapsyrma berip, turǵyndardy da tazalyqqa jaýapkershilikpen qaraýǵa shaqyrdy. 

Al Aqjaıyq shaǵynaýdanynyń turǵyny A.Qaldybekova múmkindigi shekteýli balalarǵa arnalǵan ońaltý ortalyǵyn ashý nıeti bar ekenin aıtyp, ortalyqty salýǵa jer telimin berý jóninde ótinishin jetkizdi. 

Qala ákimdigi ınvestısıalyq yntymaqtastyqqa árdaıym ashyq. Jaqsy bastama. Jobany egjeı-tegjeıli talqylaý úshin «Shymkent» ÁKK» basshylyǵy Sizben jeke kezdesetin bolady, - dep korporasıa tóraǵasyna turǵynmen kezdesip, ınvestısıalyq saıasatty iske asyrý máseleleri boıynsha naqty túsinikteme berýdi, nátıjesi boıynsha baıandaýdy tapsyrdy.  Jer, zańsyz qurylys máselesimen kelgen azamattarǵa da qala ákimi zań turǵysynda sheshilý joldaryn túsindirip, árbir másele sheshimin tapqansha óz baqylaýynda bolatynyn jetkizdi.