Shymkent qalasynyń jolaýshylar kóligi jáne avtomobıl joldary basqarmasynyń basshysy E.Joldasov qala ákimdiginiń «Instagram» paraqshasynda tikeleı efırde suhbat berdi.

Basqarma basshysy avtomobıl joldary jáne qoǵamdyq kólik salasyn damytý baǵytyndaǵy atqarylyp jatqan jumystardan habardar etti.

Turǵyndar tarapynan áleýmettik jeli arqyly 40-50-ge jýyq saýal kelip túsken. Halyqpen keri baılanys ornatý maqsatynda tikeleı efır barysynda turǵyndar saýalyna jaýap berildi.

Shymkent qalasynda búgingi kúnge deıin 370 786 tólem kartasy satylyp, 85 paıyzdan astam tranzaksıa elektrondy karta boıynsha jasaldy. 106100 oqýshylar kartasy, 30686 stýdenttik karta, 234000 standartty karta satylǵan.

Qalada jolaýshylar kóligin damytýdyń keshendi sqemasyna sáıkes, qoǵamdyq kólikterdi jańartý baǵdarlamasy iske asyrylýda. Búginde avtobýs parki «Yutong» markaly 300 jańa, metan gazymen júretin avtobýspen tolyqqan. Jyl sońyna deıin taǵy 290 jańa avtobýs jolaýshylarǵa qyzmet kórsetpek.
Jolaýshylar tasymalynda 75 baǵyt bolsa, onyń 64 marshrýty áleýmettik mańyzy bar sanatqa jatady. Qarasha aıynyń sońyna deıin «SHYMKENT BUS» tasymaldaýshy kompanıasy tarapynan 40 «Yutong» markaly avtobýs áleýmettik baǵytta qyzmet kórsetedi.

Qalada turǵyndarǵa sapaly ári turaqty qyzmet kórsetýdi júıelendirý maqsatynda avtobýstardy onlaın rejıminde kórýge arnalǵan «I-kolik» mobıldik qosymshasy paıdalanýǵa berildi. Qazirgi ýaqytta 82000 adam atalmysh baǵdarlamany qoldanýda. Baǵdarlama qala marshrýttarynyń gps trekerler arqyly ornalasqan jerin kórsetedi.

Sondaı-aq, 2021 jyly qalada jalpy 182 nysan nemese 312,1 shaqyrym joldar men kósheler qurylys-jóndeý jumystarymen qamtylǵan. 10 aıdyń qorytyndysy boıynsha qurylys-montaj jumystary júrgizilgen 107 nysan, 161,4 shaqyrym jol paıdalanýǵa berildi. 1 jeltoqsanǵa deıin 63 nysan, 113,3 shaqyrym jol paıdalanýǵa tapsyrylady. 12 nysan, 37,4 shaqyrym jol qurylysy kelesi jylǵa ótpeli.

Búginde 189,3 shaqyrym 158 ishki oram kóshelerde ortasha jóndeý jumystary atqarylýda. Qalada 3 aýdan boıynsha kúrdeli jóndeý jumystary aıaqtaldy.

Sondaı-aq, basqarma basshysy «Qıal álemi» tehnoparkiniń aldynan alynǵan brýschatkalar qalanyń basqa aýmaqtaryna qoldanylyp jatqanyn atap ótti.