Ómir súrýge qolaıly qala qalyptastyrýdyń basty sharty – tazalyq. Turǵyndar qoqys qaldyqtaryn beıbereket shashpaýy úshin eń aldymen qoqys jáshikteriniń sanyn kóbeıtip, qoljetimdi etý kerek.

Osy maqsatta Ál-Farabı aýdany aýmaǵyndaǵy 8 kóshege 100 dana oryndyq qoqys jáshikterimen qosa qoıylýda. Demalýǵa arnalǵan oryndyqtar adam kóp shoǵyrlanatyn İláev, Qonaev, Respýblıka, Táýke han, Túrkistan, Qazybek bı, Baıtursynov jáne Momyshuly kósheleriniń boıyna ornatylyp jatyr. 20 kóshege jalpy sany 906 qoqys tastaýǵa arnalǵan jáshikter qoıylady. Búginde jumystardyń 85 paıyzy oryndaldy. Jyl sońyna deıin tolyǵymen aıaqtalady.

Aýdan ákimi R. Myńbaev oryndyqtar men qoqys jáshikteriniń qajettiligi joǵary degen oryndarǵa qoıylýyn tikeleı ózi baqylaýǵa aldy. Jaýapty «Kompanıa Energo-A» merdiger mekemesiniń mamandarymen kezdesip, jumysty sapaly etip jasaýdy tapsyrdy.