Esse jazý – muǵalimderdiń biliktilik sanatyn kóteretin talaptyń biri bolyp engizilmek. Oǵan beriletin jalpy ýaqyt – 30 mınýt. Sózderdiń sany 250-300 sóz bolýy tıis. Jazbasha esse muǵalimniń jeke kabınetinde ngt.testcenter.kz siltemesi boıynsha kórsetiledi.

Bul ózgerister áleýmettik jelide muǵalimderdiń qyzý talqysyna tústi. Attestasıalyq testileý kezinde esse jazý týraly jańalyq onsyz da biliktilik testileýinen kóz asha bermeıtin muǵalimderge úlken soqqy ispettes. Test tapsyryp bolǵannan keıin portfolıo jınaý da ustazdar úshin ońaı sharýa emes.

Jeli qoldanýshylary barlyq muǵalimderge esseni 100% memlekettik tilde jazý talaby qoıylsyn, sol kezde muǵalim mártebesimen qatar memlekettik til mártebesi de ósedi degen pikirlerin jazyp jatyr.  «Muǵalimderdi atestattaý nege jıi ózgeriske ushyraıdy? Úkimettiń aqsha únemdeýdegi jańa tásili me?», «Joǵarydaǵy shendi-shekpenderge de jazdyryp, sol jazǵan essesine qaraı jalaqy tólensin. Muǵalimder qoljaýlyq boldy ǵoı. Qosatyn 5-10 teńgelerin jelkeden shyǵaryp... » degen pikirler de bar.