2015 jyldyń basynan bastap halyqqa 24 mıllıonnan astam melekettik qyzmet kórsetildi. «Elektrondy úkimet» portaly arqyly halyq 875 qyzmet túrine qol jetkize alady. Bul týraly Májiliste «Qazaqstan Respýblıkasynyń keıbir zańnamalyq aktilerine memlekettik qyzmet kórsetý máseleleri boıynsha ózgerister men tolyqtyrýlar engizý týraly» QR zańynyń jobasyn talqylaý kezinde QR Investısıalar jáne damý mınıstri Áset Isekeshev aıtty. Bul týraly "Qamshy" portaly Baq.kz -ke silteme jasaı otyryp habarlaıdy.
«Respýblıkada 200-ge jýyq memlekettik qyzmet túrlerin kórsetetin 267 HQO jumys isteıdi. Tek qana 2014 jyly HQO arqyly 29 mln., al 2015 jyldyń 9 aıy ishinde 24 mln. qyzmet kórsetildi. HQO-nyń basty artyqshylyǵy – qyzmetterge birdeı qol jetkizý arqyly sybaılas jemqorlyq táýekelinen arylý, barlyq qyzmetti bir jerde alyp, qyzmet kórsetýshiler men azamattar arasyndaǵy tikeleı baılanysty joıý.», - dep habarlady Á.Isekeshev.
Búgin Májiliste talqylanyp otyrǵan zań jobasy halyqaralyq tájirıbe eskerile otyryp, melekettik qyzmetterdiń tolyq sıkly qaǵıdaty boıynsha ázirlendi. Iaǵnı, qujattardy qabyldaý, óńdeý jáne berýdi uıym ózi júzege asyrady.
Jalpy ulttyq josparda – Memleket basshysy bergen «Úkimet azamattar úshin» memlekettik korporasıasyn qurý» tapsyrmasy boıynsha bes ınstıtýsıonaldyq reformany iske asyrýdyń 100 qadamy sheńberinde Kanadaǵy Service Canada jáne Avstralıadaǵy Centrelink úlgileri boıynsha memlekettik korpoarsıa memlekettik qyzmet kórsetdiń biryńǵaıý provaıderine aınalady. Memlekettik korporasıa halyqqa qyzmet kórsetýdiń barlyq ortalyqtaryn biryńǵaı júıege aınaldyrady. Qazaqstannyń azamattary barlyq memlekettik qyzmetterdi bir jerde alatyn bolady.
Memlekettik korporasıa qurýdaǵy Kanadanyń birinshi kezeńdegi tájirıbesin eskere otyryp, neǵurlym joǵary suranysqa ıe memlekettik qyzmetter kórsetý usynylýda, munyń ózi «bir tereze» qaǵıdaty boıynsha kórsetiletin memlekettik qyzmetter sanyn 212-den 522-ge deıin ulǵaıtýǵa múmkindik beredi. Memlekettik qyzmetterdi odan ári Memlekettik korporasıaǵa berý olardyń sanyn 709-ǵa deıin jetkizýge múmkindik beredi.
