Qytaı Shanhaı yntymaqtastyq uıymyna (SHYU) múshe eldermen birlesip saýda jáne ekonomıka salasyndaǵy qol jetkizilgen ýaǵdalastyqty iske asyrýǵa ázir». Bul týraly "Qamshy" portaly Qazaqparatqa silteme jasaı otyryp habarlaıdy.

Bul týraly QHR komersıa mınıstri Gao Hýchen málimdedi, dep habarlady TASS.

«Biz teń quqyq qaǵıdatynda yntymaqtastyqty damytýǵa ázirmiz», - dep atap ótti ol.

Komersıa mınıstriniń orynbasary  Sán Kemın málimdegendeı, 13 jylda Qytaıdyń SHYU qatysýshy eldermen saýda kólemi on eseden astamǵa, 130 mlrd dollarǵa deıin ósti.

Onyń aıtýynsha, Qytaı SHYU-ǵa múshe elderden taýarlardyń keń spektrin belsendi ımporttaıdy. «Ortalyq Azıadan biz gaz ımporttaımyz, reseılik bórene jıhaz ázirleý úshin, Qazaqstan bıdaıy Qytaı dastarhanyna qoıylady, Ózbekstan maqtasynan kıim ázirleımiz, Tájikstan jemisi qytaı naryǵynda jaqsy suranysqa ıe», - dep qosty Sán Kemın.

Ol sondaı-aq avtomobıl jasaý, elektr stansasy qurylysy, sondaı-aq óndiristik jabdyqtar men kompúterler jetkizý salasyndaǵy yntymaqtastyqty damytýdy atap ótti.

«Tyǵyz ekonomıkalyq baılanystar bizdiń elderdiń gúldenýine yqpal etedi»,  dep sanaıdy  mınıstrdiń orynbasary.

Sóz sóıleý barysynda ol qazir SHYU elderindegi Qytaı ınvestısıalarynyń kólemi 70 mlrd dollardan asqanyn atap ótti. Bul rette SHYU elderiniń Qytaıǵa  ınvestısıasynyń kólemi 1 mlrd dollardan asqan.