Astanada bólshek saýda aınalymynyń kólemi ulǵaıdy

Astana qalasy Statısıka departamentiniń habarlaýynsha, 2015 jylǵy qańtar-tamyz aılarynda bólshek saýda aınalymynyń jalpy kólemi barlyq ótkizý arnalary boıynsha naqty baǵamen 413791,7 mln teńgeni qurady jáne 2014 jyldyń sáıkes merzimimen salystyrǵanda salystyrmaly baǵada 3,7% artty, dep habarlaıdy Astana ákimdiginiń baspasóz qyzmeti. Bul týraly "Qamshy" portaly Baq.kz –ke silteme jasaı otyryp habarlaıdy.

2015 jylǵy qańtar-tamyzda resmı tirkelgen kásiporyndarda bólshek saýda aınalymynyń kólemi 294667,6 mln teńgeni qurady, bul 2014 jyldyń sáıkes merzimindegi deńgeıden salystyrmaly baǵada 7,2% artyq.

Taratylǵan málimetterge sáıkes, kóterme saýda jelisi arqyly 2015 jylǵy qańtar-tamyzda 1790224,4 mln teńgeniń tutyný taýarlary men óndiristik-tehnıkalyq baǵyttaǵy ónimderi satyldy, bul ótken jyldyń sáıkes merzimindegi kólemnen 7,9% joǵary.

Qoǵamdyq tamaqtaný salasynda 20131,2 mln teńge kóleminde qyzmet kórsetildi, bul 2014 jyldyń sáıkes merzimindegi deńgeıden 7,6% artyq. Avtomobılderge, motosıklderge tehnıkalyq qyzmet kórsetý jáne jóndeý boıynsha qyzmetter kólemi 3502 mln teńgeni qurady, bul 2014 jydyń sáıkes merzimindegi deńgeıden 2,2% joǵary.