Kezdesý barysynda Elbasy jyly qabyldaýy úshin V.Pýtınge alǵys aıtyp,  Tájikstanda UQSHU Ujymdyq qaýipsizdik keńesi sesıasy aıasyndaǵy kelissózderdiń tabysty ótkenine toqtaldy. Bul týraly "Qamshy" portaly akorda.kz-ke silteme jasaı otyryp haıýbarlaıdy.

Nursultan Nazarbaev sondaı-aq óńiraralyq yntymaqtastyq forýmynyń álemdik ekonomıkadaǵy týrbýlenttilik jaǵdaıynda eki memleket úshin máni erekshe zor ekenin atap ótti.  

Eksporttyq taýarlar baǵasynyń quldyraýy men valúta naryqtaryndaǵy turaqsyzdyq saldarynan ózara saýdanyń báseńdeýi baıqalýda. Degenmen, bul rette bizdiń úkimetterimiz týyndaǵan máselelerdi sheshý úshin shuǵyl jumys júrgizip jatyr dep esepteımin. Forým aıasynda búgin sol máselelerdiń mańyzdylaryn talqylaýǵa múmkindigimiz bar, – dedi Nursultan Nazarbaev.

V.Pýtın Qazaqstan men Reseıdiń óńirleri basshylarynyń kezdesý formatynyń mańyzdylyǵyn atap ótti.

Bul – osymen on ekinshi forým. Bıyl biz aýyl sharýashylyǵy salasyndaǵy yntymaqtastyq pen ózara is-qımyl, azyq-túlik qaýipsizdigin qamtamasyz etý máselelerin talqylaý úshin jınaldyq. Sochıdiń Olımpıadadan keıingi ózgeristerin kózben kórý qazaqstandyq seriktesterimizdiń kóbisine qyzyqty bolar dep úmittenemin, – dedi V.Pýtın.