Atyraý ǵalymdary óńirde bolmaǵan jem-shóp daqylynyń jańa surypyn ósirip shyǵardy. Bul daqyl «Saraıshyq» ıirtis túıejońyshqa dep atalady. Bul týraly "Qamshy" portaly QazAqparat -qa silteme jasaı otyryp habarlaıdy.

-Bul daqyl júgeri men jońyshqaǵa qaraǵanda ylǵalǵa asa muqtaj emes. Al ónimdiligi eki ese joǵary. Kaspıı mańyndaǵy tuzdy jerlerde mundaı joǵary ónimdilikti eshbir jem-shóp daqyly qamtamasyz ete almaıdy, - dedi Ońtústik-batys mal sharýashylyǵy jáne ósimdik sharýashylyǵy ǴZI-diń Atyraýdaǵy fılıaly sektorynyń meńgerýshisi Bolat Muzambetov.

Jańa jem-shóp surypyna birinshi kezekte jergilikti mal ósirýshiler qyzyǵýshylyq tanytty. 

Alǵash ekken kezde «Saraıshyq» túıejońyshqasynyń ónimdiligi boıynsha 1 gektardan 624 sentner aldyq. Negizinen, ol gektardan 800-1110 sentner deńgeıinde ónim beredi. Túıejońyshqanyń bir orymynyń ónimdiligi jońyshqanyń kem degende úsh orymyna teń.
Atyraýlyq ǵalymdardyń jumysyna Qyzylorda oblysy da qyzyǵýshylyq tanytty. Granttyq jobaǵa ǵalymdar ázirlegen ótinim «Saraıshyq» túıejońyshqasynyń elıtalyq tuqymyn jylyna 4 myń tonna deńgeıine jetkizýdi qamtamasyz etedi. Bul Atyraý oblysynyń taǵy bir «brendi» dese bolady.