Astana qalasy Statısıka departamentiniń habarlaýynsha, 2015 jylǵy qańtar-tamyzda ónerkásip óniminiń (taýarlar, qyzmetter) kólemi 165,6 mlrd teńgeni qurady. Sonymen qatar, atalǵan kezeńde ónerkásip óniminiń naqty kólem ındeksi 2014 jylǵy qańtar-tamyzdaǵy deńgeıge qaraǵanda 104,2% boldy. Bul týraly "Qamshy" portaly QazAqparatqa silteme jasaı otyryp habarlaıdy.

Óńdeý ónerkásibindegi ónimniń naqty kólemi 2014 jylǵy qańtar-tamyzdaǵy deńgeımen salystyrǵanda 4,9% ósti jáne qoldanystaǵy baǵamen 126 mlrd teńgeni qurady. Óńdeý ónerkásibindegi óndiris kóleminiń ósýi metalýrgıa ónerkásibiniń, jıhazdan basqa aǵashtan jáne tozdan jasalǵan buıymdardy óndirý, sabannan jáne órýge arnalǵan materıaldan jasalǵan buıymdar óndirisinde baıqalady.
Qurylys ındýstrıasy kásiporyndarymen sement, beton nemese jasandy tastan jasalǵan taqtaıshalar, taqtalar, kirpishter jáne uqsas buıymdar (111,6%), taýarly beton (109,2%) óndirisiniń ósimi qamtamasyz etildi.

2015 jylǵy qańtar-tamyzda elektr energıasymen jabdyqtaý, gaz, bý berý jáne aýa baptaýda ónim (taýar, qyzmet) kólemi 34,3 mlrd teńgeni qurady, atalǵan kezeńdegi naqty kólem ındeksi 2014 jylǵy qańtar-tamyzǵa qaraǵanda 102,5% boldy.