Parıjde juma kúni Ýkraına jáne Sırıa jaǵdaılaryna qatysty Norman tórttiginiń kezdesýi ótti. Vladımır Pýtın, Petr Poroshenko, Angela Merkel jáne Fransýa Ollandtyń jabyq formatta ótken kelissózderi bes saǵatqa sozylǵan bolatyn. Bul týraly «Qamshy» portaly euronews.com-ǵa silteme bere otyryp habarlaıdy.

Bul aqpanda ótken Mınsk kelisiminen keıingi basshylardyń alǵashqy kezdesýi.

«Beıbitshilikke jetý jolynda árbir qadam talqyǵa alynǵan mańyzdy kezdesý boldy. Parıjdegi bul kelisim de Mınsk kelisimi ispetti sózden iske kiriskende ǵana nátıjesin bermek», - dep optımısik kózqarasyn bildirdi Fransýa Olland. Sonymen qatar, Shyǵys Ýkraınadaǵy qazanǵa josparlanǵan saılaýdyń qaıta uıymdastyrylyp, zańdary qaıta bekitiletinin aıtyp ótti. «Buǵan sebep – saılaý kelisimge sáıkes emes sharttarǵa negizdelgen», - dep túsindirme berdi Olland myrza.

Samıtten keıin Fransıa Prezıdentiniń resmı ınstagram-akkaýntynda normandyq formattaǵy kezdesý barysy týraly vıdeo jarıalanǵan bolatyn. Ondaǵy Reseı Prezıdenti Vladımır Pýtın men onyń ýkraınalyq áriptesi Petr Poroshenko ekeýi bir-biriniń qolyn qysqan kadr áleýmettik jeli qoldanýshylarynyń nazaryn birden aýdardy. Bireýler muny ıgi istiń basmasyna balasa, endi bireýler jaı ǵana dıplomattyq etıkanyń kórinisi ǵana dep ton piship álek.

Aıta keteıik, Norman tórttiginiń 11-12 aqpan aralyǵynda Mınsk qalasynda ótken kelissózderi 16 saǵatqa sozylǵan bolatyn.