Astana qalasynda ótken respýblıkalyq robotty tehnıka olımpıadasynda Oral qalasyndaǵy Nazarbaev zıatkerlik mektebiniń shákirtteri júldeli oryndardy ıelendi. Bul týraly "Qamshy" portaly QazAqparatqa silteme jasaı otyryp habarlaıdy.

Oqýshylardyń tehnıkalyq-shyǵarmashylyq qabiletterin damytyp, qoldaýdy maqsat etetin atalmysh olımpıada osymen ekinshi ret uıymdastyrylyp otyr. Aıtýly dodada Oraldaǵy Nazarbaev zıatkerlik mektebinen barǵan Erbol Abaı men Ádilet Beketov qazyna izdeý sanaty boıynsha birinshi júldeni enshilese, Asan Bekqalıev pen Ádilet Beketov ekinshi orynnan kórindi. Sondaı-aq shyǵarmashylyq sanaty boıynsha Dınara Almanova men Aıdana Asanǵalıeva birinshi oryndy jeńip aldy. Al fýtbol sanatynda Arystan Sabyr men Muratbek Bolǵanbaev tórtinshi orynǵa taban tiredi.

Endi bul oqýshylar el quramasy sapynda Katarda ótetin halyqaralyq olımpıadaǵa qatyspaq.