Búgin Parlament Májilisiniń jalpy otyrysynda «Qazaqstan Respýblıkasynyń memlekettik rámizderi týraly» QR Konstıtýsıalyq zańyna ózgerister men tolyqtyrýlar engizý týraly» zań jobasy maquldandy. Bul týraly Qamshy portaly QazAqparatqa silteme jasaı otyryp habarlaıdy.

Qujat QR Prezıdenti N. Nazarbaevtyń bes ınstıtýsıonaldyq reformasyn, sondaı-aq Qazaqstan halqy Assambleıasynyń HHİİ sesıasynda júktegen tapsyrmalaryn oryndaý maqsatynda ázirlengen.

«Táýelsiz memlekettiń negizgi atrıbýttarynyń biri - Memlekettik rámizder. Eldiń memlekettik Týy, Eltańbasy men Gımni táýelsizdik pen patrıotızm ıdeıasyn qamtıdy. Osyǵan baılanysty, memlekettik rámizderdi paıdalaný máseleleri patrıottyq tárbıe men qazaqstandyq birtektilikti nyǵaıtý júıesiniń mańyzdy quramdas bóligi bolyp tabylady. Qarastyrylyp otyrǵan zań jobasynda memlekettik rámizderdi patrıottyq tárbıleý júıesiniń mańyzdy elementi retinde zańdy jáne jeke tulǵalardyń paıdalaný praktıkasyn naqty reglamentteıtin ári keńeıtetin ózgerister men tolyqtyrýlar engizildi. Munda memlekettik rámizderdi qoldaný tártibin keńeıtý, nasıhattaý jáne olardy qoldaný jónindegi úkimettik jáne ókiletti organnyń quzyryn naqtylaý, Qazaqstan Respýblıkasynyń Memlekettik rámizderi kúnin atap ótýdiń erejesin ázirleý, memlekettik rámizder jáne geraldıkalyq belgiler máseleleri jónindegi saraptamalyq keńes qurý máseleleri qarastyrylǵan», - deıdi QR Mádenıet jáne sport vıse-mınıstri Marat Ázilhanov.

Onyń sózine qaraǵanda, zań jobasymen memlekettik rámizderdi qoldaný tájirıbesin keńeıtý maqsatynda memlekettik zańdy tulǵalarǵa arnalǵan, sondaı-aq ulttyq kompanıalardyń, holdıńterdiń jáne jalǵyz aksıoner bolyp tabylatyn jaýapkershiligi shekteýli seriktestikterdiń memlekettik sımvolıkalarǵa qatysty ekspozısıasy úshin oryn bólý qarastyrylǵan. Budan bólek, Qazaqstan aýmaǵynda qyzmetin júzege asyratyn sheteldik uıymdardyń týlaryn Qazaqstannyń memlekettik týymen birge ornalastyrý normalary da qamtylyp otyr.

Májilis maquldaǵan zań jobasy Senattyń talqylaýyna shyǵarylady.