Astanada búkilálemdik Astana Leisure 2015 týrısik kórmesiniń aıasynda «Recommended by EXPO - 2017» atty baǵdarlamasyna arnalǵan baspasóz máslıxaty ótti. bul týraly Qamshy portaly Inform.kz-ke silteme jasaı otyryp habarlaıdy.

 Atalmysh baǵdarlamanyń uıymdastyrýshylary Astana ákimdigi men «Astana EKSPO - 2017» Ulttyq kompanıasy ekenin aıta ketken jón.

Olardyń aıtýyna qaraǵanda, baǵdarlamaǵa elordanyń týrısik ınfraqurylymyna úles qosyp otyrǵan qonaqúıler men qoǵamdyq tamaqtaný oryndary tartylmaq.

 Talaptan súrinbeı ótken eń jaqsy týrısik nysandar «Recommended by EXPO - 2017» belgisine ıe bolady jáne Astana seriktesi mártebesi beriledi.

Baǵdarlamanyń basty maqsaty Astana bedeline áser etetin týrısik oryndardyń qyzmet kórsetý sapasyn arttyrý.

Qatysýshylardy Elorda ákimdiginiń,  «Astana EKSPO - 2017» UQ, Astananyń kásipkerler palatasy, Týrızm ındýstrıasynyń odaǵy qyzmetkerlerinen quralǵan arnaıy komısıa baǵalaıdy. Onyń tizginin Astana ákiminiń orynbasary Nuráli Álıev ustady.

«Shetelden kelgen meımandar Astanada jaıly sezingeni biz úshin mańyzdy. Biz bul baǵdarlamany barlyq óńirlerde júrgizemiz. Qazirgi ýaqytta «EKPO-2017» nysanyn týrısik marshrýtqa qosý boıynsha týroperatorlarmen kelissózder júrgizilýde. Kelisimder barlyq aımaqtardaǵy operatorlarmen jasaldy. Sonymen qatar ózge de marshrýttar boıynsha kommersıalandyrý isi aıaqtalyp qaldy. Jyl sońyna deıin bul jumys támamdalady jáne 2016 jyly Ol marshrýttar satylymǵa shyǵa bastaıdy. Qazirgi ýaqytta týrısik marshrýttardyń, qonaqúılerdiń, taksoparkterdiń krıterııleri jasaqtalýda», - deıdi «Astana EKSPO - 2017» UQ» AQ marketıń departamentiniń dırektory Aıgúl Múkeı. 

Uıymdastyrýshylardyń atap kórsetkenindeı, jaqyn arada www.welcometoastana.kz atty týrsıtik portal ashylady.