Meksıkalyq boksshy Saýl Alvares reseılik Dmıtrıı Bıvolmen jaqyn arada revansh ótkizýge daıyn. Bul týraly Gennadıı Golovkınniń promoýteri Eddı Hırn aıtty dep jazady Sports.kz. 

"Kanelonyń" Bıvoldan jeńilýi Golovkınmen jekpe-jektiń ótpeýine sebep bolýy múmkin. Meksıkalyq boksshy men Golovkınniń úshinshi jekpe-jegi bıyl qyrkúıek aıyna josparlanǵan bolatyn. Biraq "Kanelo" mamyr aıynda Dmıtrıı Bıvolmen kezdesip, jeńiliske ushyraǵan. Bul jaǵdaı "Kanelonyń" josparlaryn ózgertip otyr. 

– Men keshe "Kanelomen" sóılestim. Dúısenbide biz aldaǵy josparlar týraly aqyldasatyn bolamyz. Biz onyń qyrkúıekte orta salmaqta "absolútti chempıon" ataǵy úshin GGG-men judyryqtasý jospary baryn bilemiz. Bul jekpe-jekti mindetti túrde ótkizýimiz kerek. Alaıda qazir Kanelo Bıvolmen revansh jasaýǵa asyq. Ol Bıvolmen judyryqtasqannan keıin ǵana GGG-men kezdesedi dep oılaımyn. Ony uıymdastyrýdyń jalǵyz múmkindigi osy ǵana bolý kerek. Sheshimdi bir aptadan keıin naqtylaımyz, – dedi Eddı Hırn.