Almatyda respýblıkalyq "Aman keleshek" mádenı-sporttyq festıvali aıasynda alma jeýden jańa rekord jasaldy. Bul úshin QR Tuńǵysh Prezıdenti - Elbasy qorynyń sporttyq-jattyqtyrý kesheniniń fýtbol stadıonyna júzderi bal-bul janǵan 3,5 myń mektep oqýshysy shyqty. Keıin olarǵa alma taratyldy. Budan soń, festıvál júrgizýshisiniń buıryǵy boıynsha barlyq bala bir mezette alma jeýge kiristi. Osylaısha, Qazaqstannyń rekordtar kitaby - Qazaqstannyń aqparattyq-ensıklopedıalyq anyqtamasyna jańa rekord engizildi. Bul týraly Qamshy portaly http://today.kz/-ke silteme jasaı otyryp habarlaıdy.

"Bul alma jeý ıdeıasy - QR Tuńǵysh Prezıdenti - Elbasy qoryna tıesili. Festıválge ár ortanyń balalary jınaldy ǵoı. Sondyqtan biz olardy qalaıda biriktirgimiz keldi. Olardy biriktiretin qandaı da bir meıirimdi shara uıymdastyrǵymyz keldi. Sodan osy ıdeıa týyndady. Onyń ústine alma - Almatynyń sımvoly. Mundaı rekord buǵan deıin Qazaqstanda jasalmaǵan", - dedi QR Tuńǵysh Prezıdenti - Elbasy qorynyń PR menedjeri Álıa Qadyrova.

Rekord jasalǵan soń, Qazaqstannyń rekordtar kitabynyń bas redaktory Qýanysh Tazabekov QR Tuńǵysh Prezıdenti - Elbasy qorynyń atqarýshy dırektory Saǵyndyq Nurahanovqa tıisti sertıfıkatty tabys etti.