Taraz qalasynda buryn Ortalyq bazar ornalasqan jerde mereıtoılyq saltanattar kúni respýblıkalyq mańyzy bar   tarıhı eskertkish - «Kóne Taraz» arheologıalyq saıabaǵynyń ashylýy ótedi, dep habarlady Jambyl oblysy ákimdiginiń ishki saıasat basqarmasynan. Bul týraly Qamshy portaly Inform.kz-ke silteme jasaı otyryp habarlaıdy.

Eske sala keteıik, 2011 jyly Taraz Ortalyq bazary basqa jerge kóshirilip, onyń ornynda kóne Taraz qalasynyń arheologıalyq qazba jumystary bastalǵan. Jumystardy jergilikti búdjet qarjylandyrdy.

Arheologtar VI-XII ǵasyrlarǵa jatqyzylatyn shamamen 40 myń artefakt, ortaǵasyrlyq qamal, VIII - IX ǵasyrlardaǵy meshit, zaratýstrashyldyqtardyń mehraby, Talas ózeni kóne ańǵarynyń jaǵalaýyn, turǵyn qurylystarynyń irgetastaryn anyqtaǵan.

Qazaq handyǵynyń 550 jyldyǵy saltanattarynyń eń iri nysany bolyp tabylatyn keshen qurylysynyń jalpy quny 2,5 mlrd. teńgeni quraıdy. «Kóne Taraz» saıabaǵy aýmaǵynyń 20 gektarynda kireberis arkasy, baqylaý munarasy, Dostyq úıi men kongres-holdyń janyndaǵy etnomádenı ortalyq, etnografıalyq murajaı, «Taraz sazdary» stelasy, sondaı-aq «Myńbulaq» saıabaǵy ornalasqan.

Arheologıalyq jumystardyń barysymen tanysatyn qonaqtardy qarsy alýǵa Qazaqstan Respýblıkasynyń mádenıet jáne sport mınıstri Arystanbek Muhamedıuly jáne oblys ákiminiń  orynbasary Erqanat Mánjýovtyń qatysýy kútilip otyr.

Keshenniń ashylý saltanatyna Qazaqstan Respýblıkasy Senaty jáne Májilis depýtattary, mınıstrler men ulttyq kompanıalardyń basshylary, qoǵamdyq qaıratkerler, shyǵarmashylyq ıntellıgensıa jáne JOO-nyń ókilderi, ardagerler, oblystyq máslıhat depýtattary shaqyrylǵan.