Ál-Farabı atyndaǵy Qazaq ulttyq ýnıversıteti álemdegi eń ozyq 300 ýnıversıtettiń qataryna qosyldy. Bul týraly Qamshy portaly QazAqparatqa silteme jasaı otyryp habarlaıdy.

Ál-Farabı atyndaǵy QazUÝ Túlekter qaýymdastyǵynyń prezıdenti Qaırat Mámı ulttyq ýnıversıtettiń basshylyǵyn, barlyq profesorlar men oqytýshylar quramyn álemdegi eń ozyq 300 ýnıversıtettiń qataryna qosylýymen quttyqtady.

«Ýnıversıtet reıtıńisiniń tek sońǵy jyly 30 pozısıaǵa jaqsarýy úılesimdi, maqsatqa baǵyttalǵan jáne kásibı jumystyń tikeleı nátıjesi bolyp tabylady. Bul - ýnıverstıtet ujymynyń múmkindikteri men orasan áleýetiniń aıqyn aıǵaǵy.

Qazaq ulttyq ýnıversıtetiniń alda da úlken jetistikke jetýi óte mańyzdy. Búginde ol ınovasıalyq bilim men olardy qoǵamdyq ómirde is júzinde qoldanýdyń naǵyz klasterine aınaldy. Ýnıversıtettiń kóptegen ǵylymı-zertteý jobalary men tájirıbelik-konstrýktorlyq zertteýleri álemniń 30 ozyq eliniń qataryna kirýdi maqsat tutqan respýblıkamyzdyń odan ári damýy úshin berik irgetas bolyp tabylady.

Ál-Farabı atyndaǵy Qazaq ulttyq ýnıversıtetiniń profesorlary men oqytýshylar quramyna táýelsiz Qazaqstannyń ıgiligi úshin aldaǵy ýaqytta da jemisti eńbek, tolaıym tabys jáne jańa jetistikter tileımin!», delingen hatta.