Taldyqorǵanda jyldaǵy qalyptasqan úrdis boıynsha bıyl da «Qala kúni» joǵary deńgeıde atalyp ótti. Keshe qala turǵyndary kóptegen ıgi isterdiń kýási boldy, dep habarlaıdy Almaty oblysy ákimdiginiń baspasóz qyzmeti. Bul týraly Qamshy portaly QazAqparatqa silteme jasaı otyryp habarlaıdy.

Qala kúnine arnalǵan mádenı-kópshilik sharalar legi Almaty oblysynyń ákimi Amandyq Batalov bastaǵan qonaqtardyń Dańq obelıskine gúl shoqtaryn qoıý rásiminen bastaldy. Batyrlardyń erligine taǵzym etken óńir basshysy Taldyqorǵan qalasynyń áskerı garnızonynyń Qazaqstan Respýblıkasynyń qarýly kúshterinde qoldanysta turǵan qarý-jaraqtar men áskerı tehnıkalar qoıylǵan kórmesin tamashalady. Bul kórme kópshiliktiń kózaıymyna aınaldy.

Mereke kúnine oraı qalanyń taǵam salasynda eńbek etip júrgen kásipkerleri de ózderiniń súbeli úlesterin qosty. Atap aıtqanda «Qala kúni» men Qazaq handyǵynyń 550 jyldyǵyna arnaıy dıametri 550 sm. bolatyn alyp pıssa men 80 keli tartatyn kólemdi tort ázirlenip, qala turǵyndaryna tartý etildi.

Sonymen qatar qalanyń kásiporyndary men óndiris ujymdary óz ónimderinen kórme uıymdastyryp, halyqtyń qyzyǵýshylyǵyn oıatty. Qalanyń ónerli jas búldirshinderiniń ázirlegen konserttik baǵdarlamasy jıylǵandardyń kóńilderinen shyǵyp, yqylasyna bólendi.

Merekelik sharalar Taldyqorǵan qalasynyń ortalyq stadıonynda jalǵasty. Osy kúni stadıon da jurtshylyqqa toly boldy. Sharany oblys ákimi Amandyq Batalov ashyp, taldyqorǵandyqtardy merekelerimen quttyqtady:

- Qadirli taldyqorǵandyqtar! Sizderdi Qala kúni merekesimen jáne Qurban aıt meıramymen shyn júrekten quttyqtaımyn.

Prezıdentimiz Nursultan Ábishuly Nazarbaevtyń kóregen saıasatynyń arqasynda, Ult jospary «100 naqty qadam» baǵdarlamasy aıasynda qarjylyq daǵdarysqa qaramastan elimizde turǵyn úıler, mektep, balabaqsha, aýrýhanalar salynyp, joldar jańartylýda.

Sonyń ishinde Jetisýdyń kindik qalasy Taldyqorǵannyń kelbeti kóz aldymyzda jańaryp, jaqsaryp keledi.

Dana halqymyzdyń «Yrys aldy yntymaq» degen ataly sózi bar. Halyqtyń yntymaǵy, tatýlyǵy, bir-birine degen qurmeti - el órkendeýiniń kepili. Endeshe, ásem qalamyz - baq-bereke besigi bolsyn dep tileıik. Elimizdiń bolashaǵy baıandy bolsyn! Ár shańyraqqa jaqsylyq, mol baqyt tileımin! - dedi ákim.  

Merekelik shara qalanyń úzdik óner ujymdary ázirlegen gala konsertine ulasty.

Qala kúnine oraılastyrylǵan merekelik sharalar keshqurym Qazaqstan estradasy ánshileriniń qatysýymen ótken qala jastaryna arnalǵan bı keshimen jáne merekelik otshashýmen óz mejesine jetti.