Qazirgi tańda Almaty stansıasyn aınalyp ótetin uzyndyǵy 74,7 shaqyrymdyq temirjol jelisi qurylysynyń jobasyn konsesıalyq negizde salý máseleleri pysyqtalyp jatyr. Bul týraly búgin OKQ brıfıńinde QR KKM kóliktik baqylaý komıtetiniń tóraǵasy Áset Asavbaev xabarlady. Bul týraly Baq.kz –ke silteme jasaı otyryp habarlaıdy.

"Qazirgi tańda konsesıalyq usynys ázirlenýde. Bul joba búginde tıisti memlekettik organdarmen jáne mekemelermen kelisilý ústinde. Jyldyń sońyna deıin konkýrsttyq qujamattamalardy ázirlep, kelesi jyly arnaıy osy jobany tolyq qolǵa alatyn bolamyz. Aınalama temirjol jelisi Almaty stansıasy arqyly tranzıttik júk aǵymyn ótkizýin jáne onyń turyp qalmaýyn boldyrmaýdy qadaǵalaıdy. Bul óz kezeginde jetkizý merzimin azaıtýǵa múmkindik beredi. Osy baǵytta Qytaı jáne Ortalyq Azıa arasynda búkil júk osy Almaty arqyly ótetini belgili. Aınalma jol salynǵannan keıin osy baǵyttar boıynsha tasymaldanatyn tranzıttik júk eshbir kedergisiz ótýge múmkindik alady. Sondaı-aq, Almaty temirjol jelisindegi júkteme shamamen 40 paıyzǵa deıin azaıady dep kútilýde", dedi ol óz sózinde.

Sondaı-aq, tóraǵa jolaýshylar tasymaldaý salasynyń búgingi jetken jetistikterine toqtalyp ótti.

"Búgingi tańda jolaýshylar tasymaldaý salasyna erekshe kóńil aýdarylýda. Sońǵy úsh jyldyń ishinde jolaýshylar tasymaldaýdy sýbsıdıalaýǵa elimizde 70 mlrd teńgeden astam qarajat bólingen. Bul qarajat 50 mıllıon jolaýshyny tasymaldaýǵa múmkindik berdi. Aıta keteıin, búginde jolaýshylar tasymaldaý sapasyn arttyrý úshin kóptegen jetistikterge qol jetkizdik. Qazir jolaýshylar vagondarynyń tozý deńgeıi 70 paıyzdan 53 paıyzǵa deıin tómendese, elektrondy tásilmen jolaýshylarǵa qyzmet kórsetý 5 esege artty. Poıyzdar men vokzaldarda qyzmet kórsetýdiń ulttyq standarttary qabyldandy. Halyqtyń jolaýyshylar tasymaldaýyna suranysyn qanaǵattandyrý úshin 500-den asa jolaýshylar vagony satyp alyndy", dedi Á.Asavbaev.