Almaty oblysynyń qant qyzylshasyn ósirýshi keıbir sharýashylyqtary bıyl rekordtyq kórsetkishke qol jetkizip, ár gektarynan 700-750 sentnerden astam ónim jınady. Jınalǵan qant qyzylshasy túbiriniń salmaǵy 6,5 – 7 keliden tartýda. Bul týraly Qamshy portaly Aıqyn-Aqparatqa silteme jasaı otyryp habarlaıdy.

Qant qyzylshasyn jınaý naýqany endi bastalǵanyna qara­mastan, nátıjesi búginniń ózinde kóńilden shyǵýda. Sharýalardyń aıtýynsha, dál osyndaı bitik ónimdi almaǵaly biraz ýaqyt bo­lypty.
– «Aǵymdaǵy jyly túsim mol. Má­selen, bir qant qyzylshasy­nyń salmaǵy 6,5-7 keliden ke­lýde. Ár gektardan 700-750 sentnerden ónim alýdy jos­parlap otyrmyz. Biz Kóksý qant zaýytyna qant qyzylshasynyń alǵashqy partıasyn jiberip qoı­dyq, – dedi Sarqan aýdany «Aq qudyq» sharýa qojalyǵynyń basshysy Serjan Esimjanov.
Elbasy Nursultan Nazarbaev­tyń Almaty oblysyna jasaǵan issapary kezinde aımaqta qant qy­­zylshasyn qaıta jańǵyrtý jó­­ninde tapsyrma bergen bola­tyn. Osy maqsatta óńir basshy­lyǵy tıisti jumystar júrgizip, qant qyzylshasyn ósiretin sharýa­larǵa 240 mln teńge memle­kettik sýb­sıdıa bólip, 1 mlrd teńgege jýyq qarajatqa arnaıy tehnıka, sa­paly tuqym, janar-jaǵarmaı satyp alýlaryna jaǵdaı jasady.

Eń bastysy, esil eńbek esh ketpeı, búginde sonyń ońdy nátıjesin berýde. Jalpy, bıyl oblys boıynsha qant qy­zyl­shasy alqabynyń kólemi 4 myń gek­tardy quraıdy. Eskeldi aýdanyndaǵy «Hıl­nıchenko jáne K» seriktestiginiń 187 gektar alqapqa tátti túbir egilgen. Ózge sharýa­shy­lyqtardaǵydaı munda da jumystyń 65 paıyzyn arnaıy tehnıka atqarsa, qalǵan jumys kólemi qol kúshi­men isteledi. Jumystarǵa 27 tehnıka ju­myl­dyrylǵan. Táýligine 12 gektar alqap­tyń ónimin jınaý arqyly barlyq alqaptardaǵy qant qyzylshasyn úsh aptanyń ishinde jınap bitirý jospary bar. Ónimniń sapasy da kóńilden shyǵýda.
«Hılnıchenko jáne K» seriktestiginiń ósimdik sharýashylyǵy tóraǵasynyń orynbasary Vıktor Romanenko «oblys ákimi Amandyq Ǵabbasuly qant qyzyl­shasyna qatysty semınar-keńes ótkiz­gende biz 500 sentner ónim jınaımyz dep ýáde bergenbiz. Biz óz sózimizden taıyn­baımyz, mundaı ónimdi jınaýǵa jaǵdaı bar. Bizdiń paıymdaýymyzsha, bıylǵy jyly gekta­rynan 700 sentner ónim jı­naýǵa senim mol» ekenin aıtty.
Osy seriktestiktiń brıgadıri Núsiphan Kerimbekovtiń aıtýynsha, dál mundaı ónim kólemi sońǵy on jylda bolmaǵan. 
– Elbasy qoldaýynyń arqasynda eli­mizdiń barlyq sharýalaryna jaqsy jaǵdaı jas­alýda. Sharýalar memleket tarapynan sýbsıdıa, tuqym, tyńaıtqysh pen janar-jaǵarmaı túrindegi qomaqty kómek tabýda. Sol sebepti ónimniń osy jyly bitik shyqqandyǵy bárimizdi qýantady. Aldaǵy ýaqytta buryn-sońdy bolmaǵan rekordtyq kórsetkishke qol jetkizemiz. Memleket tara­pynan osyndaı qoldaýdyń arqasynda keler jyly qyzylsha kólemin odan ári arttyra túsemiz, – deıdi Núsiphan Kerim­bekov.
Jalpy, qant qyzylshasyn jınaý naý­qany oblysta endi bastalǵanyna qara­mastan, nátıjesi búginniń ózinde kóńilden shyǵýda. Amandyq bolsa, jer jannaty Jetisý ólkesi qyzylshanyń otany degen atqa ıe bolar kún alys emes.
Elbasynyń tapsyrmasyn oryndaý maq­satynda oblys ákimi Amandyq Bata­lov qant qyzylshasy alqaptarynyń kó­lemin arttyrý maqsatynda «Qazaq­stan­nyń bı­daı odaǵy» zańdy tulǵalar bir­lestiginiń prezıdenti Nurlan Tileý­baevpen birge aımaqtyń qant qyzyl­shasyn ósiretin aýdan, qala ákimderi, sharýa qojalyqtary basshylarynyń qatysýymen de birneshe ret jıyn ótkizdi. 
Elbasynyń tapsyrmasyna sáıkes bıyl oblys boıynsha qant qyzylshasy alqaby 4 myń gektarǵa kóbeıtildi. Onyń ishinde Aqsý aýdany – 860 gektar, Qaratal – 560 gektar, Sarqan – 730 gektar, Kóksý – 830 gektar, Eskeldi – 1000 gektar, Taldy­qorǵan qalasy 20 gektar jerge ekti. 
«Jetisý» ÁKK Almaty oblysy ákim­diginiń qoldaýymen júzege asyryp jatqan joba aıasynda Qaratal, Kóksý, Eskeldi jáne Sarqan aýdandarynda 6 SDO qu­ryldy. Ústimizdegi jyldyń naý­ryz aıynda Taldyqorǵan qalasyndaǵy qant qyzyl­shasyn óńdeýmen aınalysatyn servıstik-daıyndaý ortalyqtaryna «Jetisý» ÁKK arqyly arnaıy tehnıkalar satyp alyndy. Jalpy, 2011 jyldyń naýryzynan 2015 jyldyń mamyr aıyna deıin oblystyń 10 aýdanynda aýyl sharýashylyǵy taýaryn óndirýshilerge servıstik, agrotehnıkalyq, jabdyqtaý jáne basqa da qyzmetter kórsetýdi uıymdastyrý úshin 18 SDO qurylǵan. 
Bıyl Kóksý aýdanyndaǵy qant zaýyty kúrdeli jóndeýden ótkizilip, qaıta iske qosyldy. 28 qyrkúıek kúni Kóksý qant zaýyty alǵashqy qant qyzylshasyn qa­byldaı bastady. Alǵash bolyp qyzyl­shany Sarqan, Eskeldi, Aqsý aýdan­da­rynyń sha­rýashylyqtary tapsyrdy. Zaýyt basshy­lyǵynyń habarlaýynsha, zaýyt 100-120 myń tonna shıkizat qabyl­daı alady jáne 12 myń tonna qant óndi­rýge daıyn. Sony­men qatar olar sha­rýalarǵa úsh kún ishinde tólemaqy tólemek.
Mine, Elbasy tapsyrmasyna oraı eńsesi kóterilip, qyzylsha egip, ony zaýyt­qa qabyldaı bastaǵan Almaty oblysynyń dıqandary sóıtip, bıyl rekordty ónim jınamaq. Bul árıne, jumystyń nátıjeli ekendigin kórsetedi.