Aǵymdaǵy jyldyń 8 aıynda elimizdegi jeńil ónerkásip óniminiń kólemi 43 mlrd. teńgeni qurady. Kásiporyndar 21,2 mlrd. teńgeniń toqyma buıymdaryn, 17,9 mlrd. teńgeniń kıim-keshegin, 3,7 mlrd. teńgeniń teri ónimderin shyǵardy. Bul týraly Qamshy portaly Baq.kz –ke silteme jasaı otyryp habarlaıdy.

Ońtústik Qazaqstan oblysy aımaqtyq jeńil ónerkásip klasterin qurý úshin «Qazaqstannyń ınvestısıalyq qory» AQ toqyma óndirisimen aınalystan kásiporyndardy saýyqtyrý baǵytynda birqatar sharalardy qolǵa aldy. Osy maqsatta eń aldymen «Textiles.kz» kompanıalar tobynyń kásiporyndaryn shıkizatpen (maqta talshyqtary) qamtamasyz etý, «Iýteks-KZ» JSHS toqyma fabrıkasynyń qurylysyn aıaqtaý, «Melanj» AQ men «Iýteks» AQ kásiporyndaryn iske qosý josparlanyp otyr.

«Bıznestiń jol kartasy – 2020» baǵdarlamasy aıasynda jeńil ónerkásip kásiporyndaryn qarjylaı qoldaýdyń nátıjesinde, birinshi jartyjyldyqta 23,6 mlrd. teńgege 115 jobaǵa qoldaý kórsetildi. Qazaqstandyq jeńil ónerkásip kásiporyndary jalpy quny 182 mlrd. teńge bolatyn uzaq merzimdi 342 kelisim jasasqan.

Aıta keteıik, «Ońtústik» arnaıy ekonomıkalyq aımaǵynda jalpy quny 22 mlrd. teńgeniń 8 jeńil ónerkásip jobasy iske asty. Sonyń aıasynda 6,2 mlrd. teńgeniń ónimi óndirilip, 1,5 myń jumys orny quryldy. Sondaı-aq, osy kúnderi AEA aýmaǵynda jalpy ınvestısıa kólemi 89,3 mlrd. teńgeniń 10 jobasy qolǵa alynýda. Jyl sońyna deıin quny 4,4 mlrd. teńgeniń 2 jobasy paıdalanýǵa beriledi dep kútilýde. Al ol kezde 370 jańa jumys orny ashylatyn bolady.