Ulttyq ýnıversıtet – Uly dalanyń bilim shańyraǵy. Adamzat tarıhynda jeke adamnyń ındıvıd qalpynan tulǵa tuǵyryna kóterilý prosesine qoǵamdaǵy oryn alyp otyrǵan jaǵdaılar, otbasyndaǵy tálim tárbıe, ata-babasynan beriletin genetıkalyq erekshelikter, dalalyq shejireden boıyna daryǵan qasıetter sonymen qatar, oqý ordasynan alǵan psıhıkalyq jaǵdaıattar áser etedi.

Qazaq qashanda urpaǵynyń tolyqqandy jeke tulǵa bolyp qalyptasýyna atsalysyp, bala kezinen ulttyq tárbıeni ertegiler, jyrlar arqyly boıyna sińirip otyrǵan. Al osy tulǵanyń negizgi komponentteri qalyptasatyn kezeń – jastyq kezde, ıaǵnı kásipke beıimdelýdegi qundylyqtyń darytylýyn qamtamasyz etý maqsatynda oqýshylardyń biliktiligi men tájirıbesine zor mán berilýi tıis. Óskeleń urpaqty tárbıeleý jáne oqytý muǵalimderdiń pedagogıkalyq sheberligine, oqý-materıaldyq bazanyń túgeldigine, oqý baǵdarlamalarynyń sapasy men mazmunyna baılanysty bolmaq. Joǵary oqý oryndarynda kásibı daıyndyqqa oqý prosesin uıymdastyrý erekshelikteri, ustazdar men toptaǵy qarym-qatynas erekshelikteri, oqý-tárbıe saǵattary t.b. sharalar áser etedi.

Qazirgi tańda Qazaq Ulttyq ýnıversıtet ujymy kópultty Qazaqstannyń ekonomıkalyq jáne mádenı ósýine, saıası-quqyqtyq ómirine, mádenıetine, ǵylym men bilim berý salalaryna orasan úles qosyp, elimizdiń joǵary bilim beretin oqý oryndarynyń bıik shyńyna aınalyp otyr. Ýnıversıtet kóptegen sheteldik JOO-larmen birlesip jumys jasaıdy. Munda oqıtyn árbir stýdent shetelge shyǵyp óz bilimderin jetildirýge múmkindikteri bar. Sonymen birge QazUÝ-niń qalashyq aýmaǵynda kóptegen sharalar uıymdastyrylyp, «Keremet» stýdentterge qyzmet kórsetý ortalyǵy ashylǵan. Munda túrli uıymdardyń, pasporttyq ústel, stýdetterge áleýmettik kómek kabınetteri jáne t.b stýdentterge qyzmet kórsetý salalary jáne de kınoteatr jumys jasaıdy.

Rasymen de, osyndaı jan-jaqty resýrstarmen qamtamasyz etilgen qalashyqty elemeı ótýge bolmaıdy. Qaısy birin alsaqta barlyǵy da stýdentterdiń qajettiligin qamtamasyz etedi. Ýnıversıtetimizde oqý júıesi Bolon úderisi boıynsha júzege asyrylady. Ár stýdent óz logıni, paroli arqyly kez kelgen ýaqytta oqý úlgerimimen tanys bola alady. Sondaı-aq, qosymsha tapsyrmalardy, qajetti materıaldardy, dáristiń qysqasha sıpattamasyn lezde elektrondyq jýrnal arqyly kóre alady.

Bul múmkindik stýdentterdiń tehnologıalyq qurylǵylardy jetik meńgerýimen qatar, ýaqytyn únemdeýge kómektesedi. Qara shańyraqtyń qolastyna jıylǵan jıyrma myńǵa jýyq izdenýshiniń talabyn taýǵa qaraı domalatar jaǵdaıdyń barlyǵy da jasalǵan. Tarıhy tereńde jatqan QazUÝ-dy bir sátke kóz aldyna elestetken talapkerdiń bolashaǵy jarqyn bolaryn da biletin shyǵar.

Toqsanbaeva N.Q. Ál-Farabı atyndaǵy
QazUÝ-dyń jalpy jáne qoldanbaly psıhologıa
kafedrasynyń profesory