Syrtqy ister mınıstriliginiń resmı ókili Aıbek Smadıarov BAQ ókilderimen ótken brıfıńte Túrkıadaǵy zilzalada zardap shekkender arasynda qazaqstandyqtar joq ekenin málim etti.
"Osy ýaqytqa deıin zardap shekken nemese qaza tapqandardyń tiziminde Qazaqstan Respýblıkasynyń azamattary joq", - dedi Aıbek Smadıarov.
Qazirgi tańda Túrkıada qalǵan Qazaqstan azamattaryn Gazıantep qalasynan elge áketý sharalary júrgizilip jatyr.
Elge qaıtqysy keletin Qazaqstan azamattary 7 aqpan saǵat 12:00-de Gazıantep qalasynyń áýejaıynda tıisti prosedýradan ótip, jolǵa daıyn bolýǵa tıis. Tizimge qosylý úshin +90 538 8807041, +90 3124919100 telefon nómerlerine habarlasý kerek.
Pikir qaldyrý