QR premer–mınıstri Álıhan Smaıylov "Samuryq–Qazyna" ulttyq ál–aýqat qory" AQ ujymynyń basqarma tóraǵasyn  tanystyrdy. 

"Samuryq-Qazyna" qorynyń basqarma tóraǵasy bolyp Nurlan Jaqypov taǵaıyndaldy, dep habarlady Úkimettiń baspasóz qyzmeti. Oǵan deıin bul qyzmetti Almasadam Satqalıev atqarǵan bolatyn.

Úkimet basshysy qordyń aldynda ınvestısıalar tartý, energetıkalyq keshendi damytý, respýblıkanyń ınfraqurylymdyq, logıstıkalyq jáne ındýstrıalyq damýyn qamtamasyz etý sıaqty mindetter turǵanyn atap ótti.

"Qor – bizdiń elimizdegi úlken aktıvterdi basqaratyn óte mańyzdy qurylym. Onyń tıimdi jumysy búkil ekonomıkaǵa jáne elimizdiń odan ári damýyna áser etetin iri jobalarǵa baılanysty bolyp otyr", – dedi Álıhan Smaıylov. 

Nurlan Jaqypov buǵan deıin Kazakhstan Investment Development Fund basshysy bolyp qyzmet atqarǵan bolatyn.