Taraz qalasynda ótip jatqan Qazaq handyǵynyń 550 jyldyq mereıtoıynyń eń bir este qalary - M.Áýezov atyndaǵy Qazaq memlekettik akademıalyq drama teatrynyyń qoılymy boldy. 8- qazan saǵat 19:00 de Taraz qalasynyń Ortalyq stadıonynda Jabal Erǵalıevtiń «Qıly jol» tarıhı dramasy qoıyldy. Qazaq handyǵynyń qurylý barsyn beınelegen kóriniske Áýezov teatry men Taraz qalasynyń 500-den astam ártisi qatysty. 200 akter jaýyngerdiń rólinde oınap, sahnalyq shaıqastarǵa jaýapty bolsa, 150-den astam adam bı kórinisterin jasady.
Óte áserli de tartymdy spektáklde Jánibek pen Kereıdiń Ábilhaıyr hannan bólinip, azattyq pen bostandyqty arman etken qalyń qazaqty arytnan ertip Moǵolstan jerine kelýi men Esenbuǵanyń bergen jerine Kereıdi han kóterip qazaq handyǵynyń qurylý barys kórkem beınelengen. El kóńilinen shyqqan bul Jobanyń jetekshileri: KSRO halyq ártisi, teatrdyń kórkemdik jetekshisi Asanáli Áshimov, QR eńbek sińirgen qaıratkeri, teatr dırektory Erlan Bilálov. Rejıseri – QR eńbek sińirgen qaıratkeri Áýbákir Rahımov eken.
Bul spektákl barsha kórermenniń kóz aıymyna aınalyp, yqylasyna bólengeni anyq. Bárimizge ulttyq rýh pen jiger bere alatyndaı oqıǵa jelisi artyq – kemsiz jasalǵan. Ashyq aspan astynda el mereıin asqaqtatqan M.Áýezov atyndaǵy Qazaq memlekettik akademıalyq drama teatrynyyń ujymyna alǵystan basqa aıtarymyz joq. Osy oraıda jyl boıy basynan daý arylmaǵan «Qazaq eli» fılmi eske túsedi eken. Bul kórinisti Rýstem Ábdireshovtyń kórgen kórmegenin bilmeımin. Kórse óziniń ne istep júrgenine uıalǵan bolar, kórmese Erlan Biláldan kınosyn qalaı túsirýi týraly aqyl suraıtyn shyǵar.
Turdybek Qurmethan
