Áleýmettik jelilerde EO Qazaqstanǵa prostatıtti emdeıtin dári-dármekterdi jetkizgeni týraly habarlandyrý paıda boldy. Bul preparatty ótinish berý arqyly tegin alýǵa bolady. Atalǵan habarlamanyń jalǵan ekenin habarlaıdy Qamshy.kz aqparat agenttigi.

Jalǵan jarnama Facebook áleýmettik jelide taralǵany týraly habarlandy. Atalǵan aqparatqa avtorlar QR Densaýlyq saqtaý mınıstrliginiń basshysy Ajar Ǵınıat pen DDU bas dırektory Tedros Gebreıesýstyń sýretin tirkegen. Bul sýret 2022 jyldyń 25 mamyrynda Gebreıýs DDU basshysy retinde ekinshi merzimge qaıta saılanǵannan keıin BAQ-ta jarıalanǵany anyqtaldy.

Faktchekıng jasaǵandar bul fotosýrettiń EO-nyń kez-kelgen dári-dármekterine qatysty emes ekenin atap ótti.

Sondaı-aq, densaýlyq saqtaý mınıstrligi EO-dan Qazaqstanǵa prostatıtke qarsy biregeı preparattar jetkizilmegenin habarlady.

"Bul durys emes aqparat", – dep túsindirdi vedomstvonyń baspasóz qyzmeti.

Sonymen qatar, faktchekt fotosýrettegi jarnamada prostatıtke qarsy dári-dármektiń jarnamalanǵanyn aıtady, biraq sýrettiń astyndaǵy mátin katarakta operasıasynyń artyqshylyqtary týraly aıtady.

"Shyn máninde, postqa tirkelgen siltemeni basý arqyly paıdalanýshylar dári-dármekterdi de, jeńildikterdi de almaıdy. Olar adamdar týraly jeke aqparat alý úshin alaıaqtar jasaǵan fıshıngtik saıtqa túsedi. Mysaly, olar tólem kartalarynyń derekterin, onlaın-bankıngterden, aqyly shottardan jáne basqalardan logınder men parólderdi ıelenýi múmkin", – delingen materıalda.