8 qazanda Almatyda elimizdiń eń tabysty ánshisi Qaırat Nurtastyń ákesiniń 50 jasqa tolǵan mereıtoıy dúrkirep ótti. Bul týraly «Qamshy» portaly Nur.kz-ke silteme jasaı otyryp habarlaıdy.

Dýmandy keshtiń qyzyqty sátterin Qaırat Nurtastyń anasy ári prodúseri Gúlzıra Aıdarbekova óziniń Instagram paraqshasynda jarıalaǵan.

Kesh qonaqtarynyń arasynda Qazaqstannyń tanymal ártisteri Ulyqpan Joldasov, Altynaı Jorabaeva, Nurlan Espanov ta bar.

Ákesine arnap shyn kóńilden án shyrqaǵan Qaırat Nurtas qonaqtardy ábden bıletip, kóńilin kóterýde aıanǵan joq. Shattanǵan ártister bı ústinde selfıge túsýdi de umyt qaldyrmaǵan.

Al Gúlzıra Aıdarbekova óz jaryn toı bastalmas buryn Instagram-paraqshasynda quttyqtap ta úlgergen.

 «Aıaýly jarym, arqa súıer tiregimiz, jan-jarym, týylǵan kúniń qutty bolsyn! Árqashan da qolymnan jetelep, ómirdiń soqpaqtarynda, qýanyshty kúnderimde janymnan tabylyp, balalarymyzdyń qyzyqshylyǵyn sońǵy demimiz bitkenshe birge kórýdi Alla qabyl etsin! El-jurtyńnyń aldynda abyroıly, deniń saý bolyp, uzaq ta mándi ómir súrýińdi tileımin!!!», — dep tilek bildirgen tanymal prodúser óz jaryna.

Al Gúlzıranyń paraqshasynda Qaırattyń ónerine tánti oqyrmandar onyń ákesine uzaq ǵumyr tilep, óz jyly lebizderin jaýdyryp jatyr.

Eske salsaq, ánshi sáýir aıynda anasynyń toıyn dúrkirep ótkizgen edi, al áıeliniń týǵan kúnin jasyryn atap ótken bolatyn.