Túrkıadaǵy prezıdent saılaýynyń ekinshi kezeńinde Rejep Taıyp Erdoǵan jeńiske jetti. Bul týraly Túrkıa Ortalyq saılaý komısıasynyń tóraǵasy Ahmet Iener habarlady.

"Túrkıadaǵy, sheteldik ókildikter men shekara beketterindegi saılaý ýchaskelerin qosqanda jalpy sany 99,43 paıyz búleten sanaldy. Rejep Erdoǵan –52,14 paıyz, Kemal Kylychdaroglý – 47,86 paıyz daýys jınady. Aldyn ala málimetterge sáıkes, Rejep Taıyp Erdoǵan – Túrkıanyń jańa prezıdenti bolyp tańdaldy", - dedi Iener baspasóz maslıhatynda.

Anadolu agenttiginiń málimetinshe, prezıdent saılaýynyń ekinshi kezeńinde Rejep Erdoǵan - 52,17 paıyz; Kemal Kylychdaroglý– 47,85 paıyz daýys jınaǵan.

Erdoǵanǵa 27,6 mıllıon adam, Kylychdaroglýǵa 25,4 mıllıon adam daýys bergen. Saılaýdyń ekinshi kezeńine saılaýshylardyń 85,63 paıyzy qatysqan.

Alaıda Kemal Kylychdaroglý Ankarada sóılegen sózinde "bul saılaý Túrkıa tarıhyndaǵy eń ádiletsiz saılaý boldy" dep málimdep, demokratıa úshin kúrese beretinin aıtty.

Eske sala keteıik, Túrkıada prezıdent saılaýynyń birinshi kezeńi 14 mamyrda ótken bolatyn. Prezıdent saılaýyna Erdoǵan men Kylychdaroglýmen qatar "Atatúrikshiler alánsynan" Sınan Ogan da qatysty.